Әһли Бејт -АБНА- хәбәр аҝентлијинин вердији хәбәрә әсасән: Президент Администрасијасынын шөбә мүдири һесаб едир ки, “Азадлыг” гәзетинин јаздыгларынын әксәријјәти, о ҹүмләдән декабрын 25-дә гәзетин ад ҝүнү илә бағлы кечирилән тәдбирин јарымчыг галмасынын сәбәбләри һагда јаздыгларынын һамысы бөһтандыр, јаландыр: “Ҹәнаб президент Илһам Әлијев декабрын 24-дә ҹәбһә бөлҝәсинә сәфәр едиб, мәҹбури көчкүнләр үчүн салынан гәсәбәнин ачылышыны едиб. “Азадлыг” гәзетинин бу сәфәрлә бағлы јаздығы мәлумата бахын. Јазыблар ки, президент ҝөл гырағына ова ҝедиб. Костјумда, галстукда ова ҝедирләр? Садәҹә, адам бу гәзетә демәјә сөз тапмыр. Ајыбдыр!
Һәмин ҝүн ҹәнаб президент ҹәбһә бөлҝәсинә сәфәр едиб, орада ачылышлар едиб, тәдбирләр кечириб. Сәфәрин һәр дәгигәси телевизијаларда ҝөстәрилиб. Президентин бир дәгигә дә олсун бош вахты јох иди. “Азадлыг” гәзети исә јазыр ки, президент ова ҝедиб. Ола билсин ки, президентин орада ҝөл гырағына ова ҝетмәси “Азадлыг” гәзетинин арзусујмуш вә бундан истифадә етмәк истәјирмишләр. Өз арзуларыны мәлумат кими јазыблар. Белә гәзетин ишығыны да сөндүрәрләр, һәлә о јана да кечәрләр”.
Әли Һәсәнов билдириб ки, “Азадлыг” гәзетинин белә бөһтан вә јаланлар јазмасына бахмајараг декабрын 25-дә гәзетин кечирдији тәдбирин јарымчыг галмасында һакимијјәтин һеч бир иштиракы вә ролу олмајыб: “Бу гәзетин јаздыгларынын һамысына шүбһә илә бахырам. Бу гәзетин јаздыгларынын әксәријјәти, хүсусән дә президентлә бағлы јаздыгларынын һамысы сәһв, јалан вә бөһтандыр”.
Диггәт: Хәбәрдән истифадә етдикдә мәнбәјә истинад лазымдыр
