Әһли Бејт -АБНА- хәбәр аҝентлијинин вердији хәбәрә әсасән:Мәлуматы верән мүәллимләр адларынын ҝизли сахланмасы шәрти илә билдирибләр ки, рәһбәрлик тәрәфиндән онлара синифдәки һиҹаблы ушагларын сијаһысынын һазырланмасы тапшырылыб. Мүдиријјәт тәһсил идарәсиндән ҝәлән бу тапшырығын һансы мәгсәди дашыдығы һагда ачыглама вермәсә дә, бу тапшырыг ҹидди нараһатчылыг јарадыб. Бәзи мүәллимләр буну һиҹаблы валидејнләрә гаршы јени тәгибләрин олаҹағындан еһтијатланырлар.
Анҹаг сијаһынын конкрет һансы идарә тәрәфиндән вә нә мәгсәд ҝүддүјү барәдә мәлумат верилмир. Мәлуматы әлдә етдикдән сонра өтән ҝүн Бакы Тәһсил Идарәсинин иҹтимаијјәтлә әлагәләр департаментинин рәһбәри Зәминә Әлигызы илә әлагә сахладыг. З.Әлигызы Бакы Тәһсил Идарәси тәрәфиндән һәр һансы сијаһыјаалманын кечирилмәдијини деди: “Бакы мәктәбләриндә бүтүн шаҝирдләр дәрсә ваһид мәктәбли формасында ҝәлирләр. Мәктәбләрдә һиҹаблы шаҝирдләр јохдур, һамы мәктәбли формасына риајәт едир. Белә олан һалда һиҹаблы шаҝирдләрин сијаһысы неҹә һазырлана биләр?”
Бир даһа гејд едәк ки, бу һагда мәлуматлары бизә верән мәнбә исрар едәрәк Бакынын Хәтаи, Нәриманов вә Сәбајел рајонлары әразисиндә јерләшән бир чох мәктәбләрдә (дәгигләшдирилә билдији гәдәр) һиҹаблы шаҝирдләрин сијаһысынын мүәллимләрдән истәнилдијини иддиа едир.
Диггәт: Хәбәрдән истифадә етдикдә мәнбәјә истинад лазымдыр
