Әһли Бејт -АБНА- хәбәр аҝентлијинин вердији хәбәрә әсасән: Елчин Манафов һадисәни бу ҹүр данышды :“Дүнән Ислам Партијасынын лидери Мөвсүм Сәмәдовун вә һәбсдә олан диҝәр исламчыларын апеллјасија мәһкәмәсиндә иштирак едирдим. Һәмин Мәһкәмәдә олан вахт Нәсими Рајон Полис Идарәсинин әмәкдашлары мәни ахтармаг үчүн евимә вә ушагларымын бағчасына ҝедибләр вә орадан мобил телефонумун нөмрәсини әлдә едибләр. Мәһкәмә бинасында олдуғум вахт зәнҝ ҝәлди ки, бәс сизи Нәсими Рајон Полис Идарәсинин тәјин олунмуш јени рәиси ҝөрмәк истәјир. Мән мәһкәмә полис идарәсиндә олдуғуму вә сонра ҝәлә биләҹәјими сөјләдим. Лакин онлар мәним архамҹа полис мәһкәмәјә ҝәлиб, мәни полис идарәсинә апардылар”.
Елчин Манафов полис идарәсиндә ону рәис мүавини Сүлејман Немәтов тәрәфиндән суал-ҹаваб олундуғуну билдирди. “Полис бөлмәсиндә олдуғум мүддәтдә Немәт Сүлејманов мәнимлә чох кобуд вә ганунсуз рәфтар едирди. Лакин хәбәрдарлығымда сонра бир аз рәфтарыны дәјишди. О, мәни аидијјаты олмајан бир нечә шејдә иттиһам етди. Деди ки, нәдир јенә шулуг салырсыныз. Сүлејман Немәтов мәни адамлары Ашурада зәнҹир вурмаға чағырмагда иттиһам етди. Һалбуки белә бир иддиа там абсурддур. Полис бөлмәсиндә бир нечә саат мәнасыз јерә сахландым. Мән отурмушдум полис әмәкдашларыда компјутерлә мәшғул олурдулар. Полис әмәкдашларындан сорушанда ки, мәни бурада нијә сахлајырсыз? Онлар ҹавабымда рәис белә истәјир, өзү нә вахт истәдә онда бурахаҹаг. Нәһајәт ики саат сахладыгдан сонра мәни бурахдылар. Мән ганунсуз сахланмағыма етираз едәндә, полис әмәкдашлары сөјләдиләр ки, тез чых ҝет рәисин хош вахтына дүшмүсән, јохса әсәбләшсә сәнә һәбс верә биләр. Мәҝәр рәис өз башынадыр ки, һеч бир әсас олмадан мәнә һәбс версин. Мән буну ганунсузлуг вә сијаси фәалијјәтимә ҝөрә тәзјиг һесаб едирәм.
Диггәт: Хәбәрдән истифадә етдикдә мәнбәјә истинад лазымдыр
