Әһли Бејт -АБНА- хәбәр аҝентлијинин вердији хәбәрә әсасән: ПКК вә ПЖАК-ын Ҝәнҹәдә һүзуру хәбәринин јајылмасы ардынҹа Ҝәнҹә әһалисиндән бәзиләри телефон бағлантысы илә Азәрбајҹан Республикасы дөвләт органлары вә тәһлүкәсизлик гүввәләринин јүксәк рүтбәли шәхсләринин Ҝәнҹәнин Рамада һөтелиндә ПЖАК рәһбәрләри илә ҝөрүшдүкләринин шаһиди олдугларыны билдирдиләр.
Бәзиләри дә Аран хәбәр аҝентлијинә өз ачыгламаларына ҝөрә тәшәккүр едәрәк билдирдиләр ки, һәр бир ҝәнҹәли ПКК вә ПЖАК гүввәләринин Ҝәнҹәнин һансы мәнтәгәсиндә јерләшдијини чох јахшы билир. Ҝәнҹәнин игтисади нәбзи онларын ихтијарындадыр вә Бакы башчыларына рүшвәт вермәклә бу шәһәрин ики тиҹарәт мәркәзинә әлә кечирибләр. Азәри олмаглары илә јаландан өјүнәнләр, нә үчүн бу ҝүн Ҝәнҹәнин вә сабаһ Азәрбајҹанын игтисади нәбзи олан тиҹарәт мәркәзләрини онларын ихтијарында гојурлар?
Бу ҝүнләри Азәрбајҹан Республикасы ҹаваб вермәлидир ки, ПКК террорчу тәшкилатынын икинҹи шәхсинин АР-на сәфәрини ҝизли сахламаг, бу өлкәнин бәзи рәсмиләринин террорчу тәшкилатлары дәстәкләмәси дејилми?
Хатырладаг ки, ПКК террорчу тәшкилатынын икинҹи шәхси Мурат Карајел кечән илин сентјабрында АР пајтахты Бакы шәһәринә сәфәр етди вә Һјатт Реҝенҹјһотелиндә АР рәсмиси вә сионист режиминин Бакыдакы сәфирлијинин јүксәк вәзифәли бир дипломаты илә ҝөрүшдү. Бундан сонра ПКК рәһбәри Бакыда силсиләли мәхфи ҝөрүшләр кечирди вә һәтта Бакы ресторанларынын бириндә Азәрбајҹанын јүксәк рүтбәли рәсмиси вә сионист режиминин сәфири Артур Лонҝ илә узун-узады данышыглар апарды.
Јухарыдакы мәтләбә диггәт етмәклә Бакы дөвләти бу суаллара ҹаваб вермәлидир:
- Азәрбајҹан Республикасы дөвләтинин Иранла бу гәдәр әдавәтинин сәбәби нәдир?
- Азәрбајҹан Республикасы дөвләт башчыларынын террорчу тәшкилатларыны дәстәкләмәсинин сәбәби нәдир?
- Азәрбајҹанда јени "Әшрәф дүшәрҝәси" јарадылыб?
- Азәрбајҹан Республикасы сионистләрин мәсулијјәтини өз өһдәсинә ҝөтүрмәк фикриндәдир?
- Дүнјанын бүтүн өлкәләри ПКК вә ПЖАК кими террорчу тәшкилатлардан узаг гачдығы бир һалда нә үчүн Азәрбајҹан һөкумәти бу мәсулијјәти өз өһдәсинә ҝөтүрүр? Бу мәсулијјәтин дөвләт рәсмиләринин мәнафеләринин тәһлүкәјә дүшмәси илә әлагәси јохдурму?
Әлбәттә, тәбиидир ки, ПКК вә ПЖАК-ын Азәрбајҹанда һүзуру сионистләрин истәји илә олмушдур вә онлар индијә кими Азәрбајҹан Республикасындан Иранын нүвә алимләрини өлдүрәнләрә тәлим јери кими истифадә етдикләри кими, бу дәфә дә ПКК вә ПЖАК-ы АР-да јерләшдирмәклә анти-Иран вә анти-дин сијасәтләрини давам етдирмәк истәјирләр. Түркијә-Исраил мүнасибәтләринин корланмасы онлары бу аддыма даһа да тәшвиг едиб.
Әлбәттә, Бакы дөвләти террорчу гүввәләрдән истифадә едәрәк Азәрбајҹанда исламчыларын фәалијјәтини зәифләдәҹәјини ҝүман едир.
Диггәт: Хәбәрдән истифадә етдикдә мәнбәјә истинад лазымдыр
