Әввәл гулағыма бир гәдәр гәрибә ҝәлди. Неҹә јәни шејтанын? Амма артыг сон дөврүн һадисәләринә нәзәр саланда бу даһи инсанын узагҝөрәнлијинин шаһиди олдум. Дүнјаны идарә етмәк нијјәтләрини ачыг ашкар ортаја гојан империалист гүввәләр (бунлара даһа чох шејтанын дәстәси десәк даһа дүзҝүн олар) һәр бир аддымында “демократијаны” ҝөзә сохуб бунунла һәрәкәт едирләр. Әслиндә демократија пуч бир идејадыр. Халгын һакимијјәти һеч бир заман олмајыб, инди дә јохдур вә бундан сонра да олмајаҹаг. Чүнки мәним дүшүнҹәмә ҝөрә халга һакимијјәт вермәк олмаз. Һакимијјәти халгын ихтијарында гојсан о дөвләтдән дөвләт олмајаҹаг. Дөвләти тарихән һәмишә фәрдләр идарә едиб. Бу ҝүн дә беләдир вә сабаһ да әҝәр олаҹагса белә олаҹаг. Һеч бир дөвләтдә мүтләг демократија јохдур.
Бу јахынларда АБШ вә Авропанын нефтә ҝөрә башыны једији Ливијанын диктатору Гәддафинин дә демократија һаггында бир сөзү вар иди. Гәддафи дејирди ки, Демократија әбәди һакимијјәт демәкдир. Диҝәр бир мүтәффәкир исә (тәәссүф ки, адыны унутмушам) белә бир фикир сөјләмишди: "Демократија халгын ағзына бир парка чөрәк атыб башыны гатмаг вә зәли кими ганыны сормагдыр".“Әрәб баһары” ады верилән бир просес бу ҝүн дүнјанын диггәт мәркәзиндәдир. Әслиндә нисбәтән касыбламыш гәрбин өз ҹибини долдурмаг үчүн “маја” гојараг ҝәлир әлдә етмәк үчүн “ингилаблар” јарадыб “демократија” ады алтында зәнҝин әрәбләрин нефтини сормаг үчүн гурулан бу тәләјә дүшәнләр һәлә узун мүддәт бунун аҹысыны јашајаҹаглар. Мәсәлән елә ҝөтүрәк Мисири. Мисир халгы “ајаға галхыб” Һүснү мүбарәки “јыхды.” Инди дә ҝиринҹ галыб өзләринә рәһбәр сечә билмирләр. јенә дә төкүлүбләр мејданлара. Бах бајаг дедијим фикрә бир дә гајыдырам. Һакимијјәти халгын әлинә верәндә бу ҹүр авара галыр. Мисирин бу гарышыглығындан истифадә едән гәрб исә онун зәнҝин тәбии сәрвәтләрини дашыјыр. Мисир халгы бир дә онда ајылаҹаг ки, һеч бир шеји јохдур. Фәгәт газанҹлары “демократија” олаҹаг.Ливијада Гәддафини девирәндән сонра онун банклардакы пулларыны бөлүшдүрән шејтанын дәстәси һәлә һазыр гызылы нефти бөлүр. Ливијанын башына да бир “академики” гојду бу ҝүн. Инди о “академикин” башы өз “елми ишинә гарышаҹаг” вә гәрб дә өз ишиндә олаҹаг.
Бу да өз јериндә. Инди ҝәләк өз өлкәмизә бир аз да өз дәрдләримиздән данышаг. Биз демократик, һүгуги дөвләтдә јашајырыг. Мүстәгилик, инсанлар һүгуг вә азадлыглара маликдир. Амма бүтүн бу дедикләрим Конститусијададыр ки, ону да веҹинә алан јохдур. Чүнки Конститусијанын һәр бир маддәсинин алтында белә бир ибарә вар ки, “ганунда нәзәрдә тутулмуш истиснадыр, вә с.” Бах бу истисналардыр ки, кимин һансы ганунла һәрәкәт етмәсинә иҹазә верир. Јахуд да биздә јени ганун јаратмаг асан бир мәсәләдир. Халгын “демократик” јолла сечдији вәкилләр милләтин адындан ганунлар иҹад едир. Амма бу ганунларда о гәдәр бошлуглар олур ки, дүнјанын ән јахшы мала устасы да буну малалаја билмир. Мәһз бу “демократик” ганунлара сөјкәнән “азад” мәһкәмәләр дә Һаҹы Мөвсүм, Һаҹы Абҝүл кими руһаниләри, Рамин Бајрамов, Әвәз Зејналлы, Ејнулла Фәтуллајев кими журналистләри, Тале Бағыров, Бәхтијар Һаҹыјев кими савадлы ҝәнҹләри раһатҹа дамлаја билир вә һеч ким дә онлара ҝөзүн үстүндә гашын вар демир.П.С. Демократија шејтанын сон ојунудур! Бу сөзү бир дәфә дә јазырам ки, бир гәдәр дә дүшүнәк. Ән әсасы исә бу ҹүмләдә бир ибарә вар “сон ојун”. Шејтанын ојунлары артыг битиб еј шејтанын дәстәси. Артыг шејтанын сону чатдығы кими сизин дә сонунуз чатмаг үзрәдир. Ән азы буну ҝөрәҹәјимә јәгиним вар…
Әли Ҹәфәри
Диггәт: Хәбәрдән истифадә етдикдә мәнбәјә истинад лазымдыр
