Бағышлајан вә Рәһм едән Аллаһын ады илә!
Һөрмәтли гәзет редакторлары вә јазарлары, әввәла Салам вә саламатлыг арзулајырам сизләрә бу “Гәдр-Хум” бајрамы әрәфәсиндә вә Аллаһ-Тәаладан бағышланмаг вә шәфаәт васитәчиләриндән шәфаәт диләјирәм ҹәми јазарлара!
Бу, ачыг мәктубму дејим вә ја сизләрә мүраҹиәтми дејим, гәләмә алмамышдан әввәл Бакы шәһәр Ағыр ҹинајәтләрә даир мәһкәмәсиндә растлашдығым јазарлара мүәјјән, ҝилеј-ҝүзарымы етмиш, бәзи гәзет әмәкдашлары илә тәҹридхананын “шумон” дејилән “бокс”унда тәсадүфән танышлыг нәтиҹәсиндә вә еләҹә дә 2 апрел виҹдан мәһбусларындан бәзиләри сөһбәтләрдә дә инди ачаҹағым мөвзуја тохунмушдум.Лакин, сон гәзет сәһифәләриндәки бирләшмәјә мане ола билән бәзи јазыларыныза мүнасибәт билдирмәји өзүмә борҹ билдим: Белә ки, мән вә мәнимлә һәбс едилән һөрмәтли гардашлар һакимијјәтин зәифлији вә горхаглығы дөнәминдән, сифаришли “силаһ-сурсат, террор, һакимијјәти зорла девирмәк вә с.” иттиһамларына мәруз галыблар. Биздән габаг да, сонра да онларла диндар гардашлар гондарма, бөһтан иттиһамларла һәбс едилибләр. Вә еләҹә дә биздән габаг вә сонра гәзет редакторлары, мүхалифәт лидерләриндән бир нечәси вә фәаллар бөһтан, јалан долу иттиһамлара мәруз галыб зиндана салыныблар.Бу һакимијјәтин тутуланлардан һәм горхмаглығыны ҝөстәрир һәм дә дүнјанын әмәл гүдрәтләринин һимајәси илә өз һакимијјәтини узатмағы, бунда јәни, азад фикир, азад топлашмаг, тәнгид вә с. ҝөрә сусдурмагла, халгы вәһшәтдә сахламагда ҝөрүр. Бунлар өз јериндә.инди кечирәм мәтләбә! Һөрмәтли јазарлар вә еләҹә дә сијасәтчиләр, диндарларын сучу, ҝүнаһы нә, бунлары ја гараламада ја да ҝүндәмдән чыхартмагдасыз?...
Зијалы форуму сизи нијә рәнҹидә едир? Нијә гысганырсыныз? Ајыбдыр, гарајахмалары дајандырын. Мән истәмирәм ад чәким, һансы јазар вә ја гәзет һансы сифариши јеринә јетирир. Лакин бир нечә нөгтәләрә тохунмағы өзүмә борҹ билирәм.Түркијәнин Бејнәлхалг “Мәзлумдер” инсан һүгуглары мүдафиәчиләринә олмазын бөһтан вә шәбәдәләр гошулду сизин гәзет сәһифәләриндә, бәзи мәтбу органларын јазарлары тәрәфиндән. Үстүндән Азәрбајҹанда фәалијјәт ҝөстәрән инсан һүгуг вә азадлыглары мүдафиәси тәшкилатларынын үнванларына: - “иран Ајәтуллаһлары, мүҹтәһидләри ( моллалар) филан гәдәр пул верибләр ки, һиҹаб мәһбусларыны, исламчылары сијаси дустаг кими Авропа шурасына тәгдим едилсин”Азәрбајҹандакы мөвҹуд дурума етираз едән иран иҹтимаијјәти һәм Гумда, һәм Теһранда, һәм Тәбриздә, һәм Әрдәбилдә вә еләҹә дә Түркијәдә баш верән олајлара ҝениш, әһатәли јазылара јер ајырмаг әвәзинә бунлара сијаси дон ҝејиндирмәкдә мәгсәд нә?...Мән сијаһыны артыра биләрдим вә јазарлары да, сијаси иҹмалчылары да ачыглаја биләрдим. Бура Мәрҹеи Тәглидләрин һакимијјәтә төвсијәләринә, бәјанатларына, мүнасибәтинизи дә әлавә етсәм, сизин ја диндән, исламдан, Гурандан хәбәрсиз олмағыныз гәнаәтинә ҝәлинә биләр, ја да ( бу беләдир ки, вар) тарихи “ағалар”ынызын сифаришчиләри олмағыныз мәлум олар. Сон Зијалы форумуну да, бәзи гәзетчиләр, мән дејәрдим ки, гысганҹлыг, ҝөзү ҝөтүрмәмәзлик вә “ҝөрүнмәјән әлләр” тәрәфиндән истигамәтләндириләрәк ҝөздән салмаг сијасәтини јүрүдүр фикринә ҝәлмәк олар!Бәсдирин! Дүшмән дәјирманына су төкүб гуллуғунда дурдуғунуз јетәр.
Сонда өзүмү даһа да сизә ајдынлығы илә танытдырмағы борҹ биләрәк, сизләри төвбә етмәјә, шејтана ујмамаға, Азәрбајҹан халгыны ҝәләҹәк бәлалардан мүһафизә јолунда гол чырмајыб бирлијә тәшәббүс ҝөстәрмәјә чағырырам.
Мән Ахундзадә Руһуллаһ Һөҹҹәтуллаһ оғлу Астарада дүнјаја ҝөз ачмыш, ана түркү азәриси, ата талыш олан, Шаһ исмајыл Хәтаинин дөврүндән бәјлик едән ( истәр нәсил истәрсә тохум тәрәфдән) аиләдәнәм. Өзүм политехники битирмишәм. Һеч бир вахт һеч бир партијанын үзвү олмамышам. Атам да, гардашларым да, бабаларым да елә 1937-ҹи ил репрессијасына мәруз галмыш тајфаданам.1988-ҹи ил нојабр халг һәрәкатынын ҹәнуб иштиракчысы вә 18 нојабрда Астарадакы етираз митингинә ҹәмијјәтин тәкиди, тәләби вә күтләви сәсвермәси илә халг һәрәкатына рәһбәрлик етмишәм. Вә демократик Азәрбајҹан бајрағы ҹәнубда илк дәфә мәним әлимдә далғаланыб. Бакыја 3 автобусла јемәк, одун вә диҝәр лазымы әрзаг вә ләвазиматлар азадлыг мејданына мәним рәһбәрлијим вә шәхси иштиракымла чатдырылмышдыр. Биләсувар ( о вахт Пушкин) сәрһәд әразисиндә баш верән галмагалын шаһиди вә орада трибунада сөз јијәси олмушам. Лакин Халг ҹәбһәси үзвү олмамышам. Мүстәгилликлә бағлы референдум үчүн Астарада мәним гәдәр имза топлајан олмајыб. Бунлара ҝөрә нә шөһрәт, нә дә рәјасәт севдасында олмамышам. Тәәссүфләр олсун ки, һакимијјәт өз јериндә, мүхалиф партијалар, мүстәгил гәзет јазарлары индијә кими бир дәфә дә олсун Астарадакы халг һәрәкатына, етираз аксијасына нә тохунмајыб, нә дә бизләрин рәшадәти, зәһмәти гуру сөзләрлә белә гијмәтләндирилмәјиб, һеч јада да дүшмәмишик. Бу јазыдан истифадә едиб бүтүн халг һәрәкаты иштиракчыларыны 23 иллик дөнәм мүнасибәти илә тәбрик едир вә арзу едирәм ки, о ҝүнләрин вәһданијјәтини Аллаһ-тәала јенидән бизә гисмәт ејләсин. Амин!
1993-ҹү илдә ислам партијасына дахил олмушам. 1994-ҹү илдән бу партијанын Астара рајон комитәсинин сәдријәм. 1995-ҹи илдән һәм партија рәһбәрләри, һәм дә ҹәнабыныз сијаси репрессијалара, сифаришли һәбсләрә мәруз галмышыг. Белә ки, 1996-ҹы илдән 2000-ҹи илә кими бир нечә дәфә һәбс едилсәм дә, сонда һүгугларымы горуја билмиш вә ја вәкилимин дөнмәзлији, инадкарлығы вә билији илә гәләбә әлдә етмишик. 2001-ҹи илдән “сијаси әгидәсинә ҝөрә тәгиб олунан” статусу газанмышам. Һал-һазырда Страсбургда инсан һаглары мәһкәмәсиндә мадди вә мәнәви зијана ҝөрә иддиам иҹраатдадыр. Вә еләҹә дә сијаси партијаларын Астара Рајон Тәшкилаты вә ја комитәләринин үзвләри, лидерләри дә мәни бир мүбариз, оратор, әдаләтли шәхс кими танымагла мөвҹуд һакимијјәтин халга вердији сағалмаз јаралара, һагсызлыға ҹидди јанашараг сәрт вә демәк олар ки, јериндә, заманында чыхышларым, етираз вә бәјанатларым ҹәмијјәт тәрәфиндән ешидилиб вә рәғбәтлә гаршыланыб. Сијаси-иҹтимаи тәшкилатларын рајон координасија мәркәзинин јарадылмасы тәшәббүсү мәним тәрәфимдән 2002-ҹи илдә ирәли сүрүлсә дә өмрү аз олду. Белә ки, бәзи апарыҹы мүхалифәт партија рәһбәрләринин ја гысганҹлығы ја “ҝизли” тапшырыг (мәлум мәсәләдир ки хариҹдән) алмасы илә бу бирлијә гошулмамыш, сонра да о вахткы Азәрбајҹан Демократ партијасы рајон тәшкилатынын тәхрибаты илә (ҝөрүнән бу, ҝөрүнмәјәни Аллаһ билир) бу бирлик дағыдылды.2002-ҹи илдән чыхышларым, јазыларым һеч бир гәзетдә, һеч вахт ишыг үзү ҝөрә билмәди. Лакин 1996-2001-ҹи илләрдә “Бу ҝүн”, “525-ҹи гәзет”, “Резонанс”, “Үч нөгтә”, “Азадлыг” кими гәзетләр кәскин мәгалә вә јазыларыма јер вермиш, ҹәнуб проблемләри барәдә ҝениш мәлумат верә билмишәм....
инди суал ортаја чыхыр, бу ҝүн һәбс едиләнләрин һеч бир ҝүнаһы, сучу јох икән, ҝөрәсән нә олуб бәзи гәзет рәһбәрләринә, јазарлара? Ки, сифаришли, гангаралдан, әсассыз иттиһам вә сенсасија хатиринә, һансыса һүгуг мүдафиәчиләринә шәр атыр, Мәрҹеи тәглидләри һалландырыр, јахын гоншу өлкәләрлә мүнасибәтләрә көлҝә салыр вә еләҹә дә диндарлары, һиҹаб мәһбуслары да дахил олмагла, виҹдан мәһбусларындан ајырмаг фикринә вә ән әсасы исә Азәрбајҹан иҹтимаијјәтинин бирлијә еһтијаҹлы олдуғу дөвр, заманда белә “сифаришләри” һәјата кечирмәјә мәһкум олублар? Бу вә еләҹәдә тохунмадығым бәзи мәсәләләрә ( Бунлар Азәрбајҹанда јајымланан КиВ-дә ачыгҹа ҝедән мәгалә вә еләҹә дә көшә јазыларында там шәффафлығы илә дәрҹ олунан мәгаләләри әһатә едир) ајдынлыг ҝәтирмәк галыр јазарларын бојнуна вә еләҹә дә сағлам дүшүнҹәли сијаси иҹмалчыларла иҹтимаијјәтин өһдәсиндә.
Сиздән јазым илә мүвәггәти ајрылырам, биз һиҹаб вә виҹдан мәһбуслары Күрдәханы тәҹридханасында вә ја калонларда бир әгидә вә амал уғрунда бирләшмишик. Бу јол Азәрбајҹанымызы демократик ҝөрмәк вә милли, дини адәт әнәнәләримизи горумаг ән үмдә вәзифәмиз олмагла, ишыглы, нурлу ҝәләҹәјә апаран әсас јол олмалыдыр.
Сонда охуҹулары вә еләҹә дә гәзет рәһбәр вә јазарларыны марагландыраҹаг суала: “Нијә гәзет вә јазарларын, сијаси иҹмалчыларын адлары гејд олунмајыб...?” ҹавабым: “Ҝөрүнән кәндә нә бәләдчи” вә һәмчинин ән әсас амалым бирләшмәјә јөнәлик олду
