Әһли Бејт -АБНА- хәбәр аҝентлијинин вердији хәбәрә әсасән: Әлијевләр режимин Милли Анти-Ислам Мәҹлис Ислами тәблиғатын һәдәфә алан ганун лајиһәсини гәбул едиб. Белә ки, артыг бундан сонра хариҹдә дини тәһсил алан тәләбәләр дини мәрасим вә ја һәр һансы бир тәблиғат апардыгларына ҝөрә ҹинајәт мәсулијјәтинә ҹәлб олунаҹаглар. Јени ганун лајиһәси илә бағлы ФактХебер.ҹом-а ачыглама верән өлкәнин нүфузлу руһаниләри Илһам Әлијев, Васиф Мәфтуллајев јени гәбул едилән гадағалара етираз едибләр.
Мәфтуллајев Васиф: "Јени ганун лајиһәсинин гәбул олунмасына мөвгејим мәнфидир. Мәсәләјә бир руһани кими јох, гејри-руһани кими бахсаг белә јени ганун дүзҝүн һесаб олунмур. Бу гадаға нијә мәһз ислам дининә аид олан шәхсләрә аиддир. Хариҹдә тәһсил алан һәр бир шәхс Азәрбајҹан дөвләти вә милләти үчүн әҝәр тәһлүкәлидирсә вә ја ҝәләҹәк дә тәһлүкә доғураҹаг бир инсан сајылырса, бу бүтүн саһәләрдә мөвҹуд ола биләр. Ола билсин ки, гејри-дини саһә үзрә хариҹдә тәһсил алан тәләбәләр тәһсил алдыглары өлкәләрин әли илә дөвләтин әлејһинә галдырылсын. Әҝәр гадаға варса, бу гејри-дини саһәдә тәһсил алан шәхсләрә дә шамил олунмалыдыр. Диҝәр тәрәфдән исә белә бир гадаға олса, онда Азәрбајҹан Шејхинә дә ҝәрәк тәтбиг едилсин. Она ҝөрә ки, ҹәнаб Шејх өзү дә хариҹдә тәһсил алыб. Һал-һазырда бизим бир чох танынмыш руһаниләримиз, Гафгаз Мүсәлманлары Руһани Идарәсиндә олан газиләр вә бир чох мөтәбәр ахундларымызын һамысы бир нәфәр кими хариҹдә тәһсил алыблар. Чүнки, советләр дөнәминдә өлкәдә елә бир дини тәһсил олмајыб ки, кимсә охујараг ахундлуг дәрәҹәсинә чатсын. Руһаниләрин һамысы өлкәдән хариҹдә тәһсил алыблар. Ганун тәтбиг олундугдан сонра, адыны чәкдијимиз руһаниләрә дә аид олаҹаг ја, јох? Дөвләт бу суала да ҹаваб верәрәк ајдынлыг ҝәтирмәлидир. Әҝәр ҹаваб белә олса ки, бу ганун лајиһәси анҹаг советләр иттифагы дағыландан сонра тәһсил алан шәхсләрә шамилдир, онда белә бир ҹаваб ганунун гәрәзли олмасындан хәбәр верәҹәк. Диҝәр тәрәфдән белә бир аддым һакимијјәтин исламын үзәринә јеримәси вә шәхси гәрәзлији кими гијмәтләндириләҹәк. Хариҹдә тәһсил алмыш тәләбәләр әҝәр доғруданда вәтәнпәрвәрдирсә, Азәрбајҹанын чөрәјини јејиб торпағында бөјүјүб боја-баша чатыбса о, һеч вахт халгы вә милләти үчүн тәһлүкә доғураҹаг инсан сајыла билмәз. Хүсусилә дә руһаниләр."
Илһам Әлијев: "Әввәла буну демәк лазымдыр ки, бу ганун гәрәзли бир нијјәтләрлә гәбул олунуб. Әҝәр өлкәдә тәһсил алмыш руһаниләрин фәалијјәт ҝөстәрмәсини истәјирләрсә бу чох абсурд бир мәсәләдир. Неҹә олур ки, башга саһәләр үзрә хариҹдә тәһсил алмыш тәләбәләр өлкәнин өндә ҝедән ләјагәтли шәхсләри һесаб олунурлар, амма дини мәсәләләрә ҝәлдикдә исә мәһз Азәрбајҹанда тәһсил алмыш шәхсләрин тәблиғ етмәсинә иҹазә верилир. Бу бахымдан, гәбул олунмуш јени ганун лајиһәси там гәрәзли вә мәкрли нијјәтләрлә гәбул олундуғу ҝөз габағындадыр. Јени ганун лајиһәсинә ислами дәјәрләр вә һәдисләрлә гијмәт вермәк истәсәк, буну дејә биләрик ки, ислам үчүн һеч бир сәрһәд јохдур. Исламин мәнтиги будур ки, һәр јердәки елм вар, һәр бир кәсә ваҹибдир ки, һәмин елмин далынҹа ҝетсин вә бундан сонра әлдә етдији елми өз өлкәсинә ҝәтирәрәк инсанлара өјрәтсин. Буну тәкҹә ислами дини јох, сағлам инсан мәнтиги вә ағылы да тәсдигләјир. Јени ганун лајиһәси сағлам дүшүнҹәнин әлејһинә јөнәлмиш бир гадағадыр. Бу ганун лајиһәсинин өлкәдә тәтбиг олунмасы гејри-мүмкүндүр."
Диггәт: Хәбәрдән истифадә етдикдә мәнбәјә истинад лазымдыр
