Әһли Бејт -АБНА- хәбәр аҝентлијинин вердији хәбәрә әсасән: Әлијевләр режиминдә һиҹаб далғасы бүтүн бөјүк шәһәрләри әһатә етдији кими Сумгајыт шәһәри дә истисна олмур. Мәмурлар гејри-рәсми шәкилдә “һеч бир һиҹаб гадағасы јохдур” – десәләр дә Сумгајыт мәктәбләриндә баш верән һадисәләр ҝөстәрир ки, мәктәб директорлары конститусијаја зидд олан бу кампанијаны давам етдирир.
Сумгајыт шәһәри 23 нөмрәли орта мәктәбин директору Фикрәт мүәллим һиҹаб гадағасынын иҹрасында хүсуси фәаллыг ҝөстәрән мәмурлардандыр. Шәһәр сакинләриндән редаксијамыза дахил олан мәлуматлара әсасән бу ҝүн дә 23 нөмрәли мәктәбдә гадаға там гүввәдәдир вә өрпәкли шаҝирдләр дәрсә бурахылмыр.
Мараглыдыр ки, Фикрәт мүәллим бу гадағада шәхсән мүгәссир олмадығыны иддиа едир вә јухарыдан ҝөстәриш алдығыны билдирир. Валидејнләр јазырлар ки, бу вәзијјәт дөзүлмәздир вә јахын заманларда әсаслы дәјишиклик олмазса мәктәб гаршысында аксија кечириләҹәк.
Диггәт: Хәбәрдән истифадә етдикдә мәнбәјә истинад лазымдыр
