Әһли Бејт -АБНА- хәбәр аҝентлијинин вердији хәбәрә әсасән: Вәкил Анар Гасымлы 2011-ҹи илин август ајында МТН ҹинајәткарларынын зорла сахладығы, барәләриндә һәбс гәтимкан тәдбири сечилмиш шәхсләрин ишиндән данышаркән белә дејиб: “МТН-ин истинтаг тәҹридханасында сахланылан Азәрбајҹан Ислам Партијасынын сәдр мүавини Ариф Гәнијевлә бағлы һазырда һеч бир истинтаг һәрәкәти апарылмыр. Биз һәрдән ҝөрүшүрүк. Һүгугларыны мүдафиә етдијим илаһијјатчы Абҝүл Сүлејмановун диндирилмәси исә давам едир. Нојабрын 10-да истинтаг һәрәкәтинин апарылмасына дәвәт едилмишәм”.
Вәкил әлавә олараг билдириб ки, Абҝүл Сүлејманова јени иттиһамларын ирәли сүрүлмәси ҝөзләниләндир: “Диндирмәнин, апарылан истинтаг һәрәкәтләринин темпи белә демәјә әсас верир. Истисна дејил ки, Абҝүл Сүлејманова јени маддә илә иттиһам верилсин”.
Гејд едәк ки, 2011-ҹи илин август ајында әлијевләр ҹинајәткарлары тәрәфиндән зорла һәбс олунан Ариф Гәнијев Ҹинајәт Мәҹәлләсинин 228.1 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә шәрләнәрәк иттиһам олунур.
Ејни вахтда режим ҹинајәткарлары тәрәфиндән зорла сахланылан руһани Абҝүл Сүлејманова 234.4.3-ҹү маддә илә (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) шәрр јахылараг иттиһам верилиб. О, Ҹинајәт Мәҹәлләсинин 228.1-ҹи маддәси илә дә (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) шәрләнәрәк ҝүнаһландырылыр.
Октјабрын 9-да мәһкәмә һәр ики шәхс барәсиндә һәбс гәтимкан тәдбиринин узадылмасына гәрар вериб.
Мөвҹуд режимин апеллјасија мәһкәмәси гәрарын ләғви барәдә шикајәтләри тәмин етмәјиб.
Диггәт: Хәбәрдән истифадә етдикдә мәнбәјә истинад лазымдыр
