Мүбариз Руһаниләр Ҹәмијјәти Азәрбајҹан Республикасында ҹинајәт мәҹәлләсинә едиләҹәк дәјишикликләрлә бағлы ганун лајиһәсини мүзакирә едиб. МРҸ али шурасынын үзвләри лајиһә илә бағлы чыхыш едәрәк, лајиһәјә мүнасибәт билдирибләр. Лајиһә “ганун лајиһәси” јох, “ҹинајәт лајиһәси” кими гијмәтләндирилиб.
Лајиһәдә нәзәрдә тутулур:
“Ҹинајәт Мәҹәлләсинә тәклиф едилән әлавә вә дәјишиклијә ҝөрә, мүвафиг разылыг олмадан дини тәјинатлы әдәбијјат, әшјалар вә дини мәзмунлу материаллар истеһсал, идхал етмә, сатма вә јајмаја ҝөрә 167-2 маддәси әлавә олунуб. Һәмин маддәјә ҝөрә, 5000 манатдан 7000 манатадәк ҹәримә вә ја ики ил мүддәтинә азадлыгдан мәһруметмә ҹәзасы нәзәрдә тутулур. Ејни әмәлләрин тәкрар, габагҹадан әлбир олан бир груп шәхс тәрәфиндән вә ја вәзифәли шәхс тәрәфиндән төрәдилмәсинә ҝөрә 7000 манатдан 9000 манатадәк ҹәримә вә ја ики илдән беш иләдәк мүддәтинә азадлыгдан мәһруметмә ҹәзасы нәзәрдә тутулур.
Тәклиф олунан диҝәр дәјишиклијә ҝөрә, Ҹинајәт Мәҹәлләсинин 167-ҹи (дини ајинләри иҹра етмәјә мане олма) маддәсинин санксијасы ағырлашдырылараг нәзәрдә тутулан ҹәримәнин мәбләғи 100-500 манатдан 1000-2000 манатадәк артырылыб.
Ҹинајәт Мәҹәлләсинин 167-1.1, 167-1.2 (дини етигад етмәјә мәҹбур етмә) маддәсинин санксијасында нәзәрдә тутулан ҹәримәнин мәбләғи 500-1000 манатдан 3000-5000 манатадәк артырылаҹаг.
167-1.3-ҹү маддәнин санксијасында нәзәрдә тутулан 1000-2000 манатадәк ҹәримәнин мәбләғи 7000-9000 манатадәк артырылмасы тәклиф олунуб.”
Коррупсија батаглығында гәрг олмуш, дүнјанын биринҹи рүшвәтхорларындан сајылан Азәрбајҹан һакимијјәтинин тәмсилчиләри вә мәмурлар Аллаһын китабы вә динини тәблиғ едәнләри өзләри кими сәрвәт саһиби сајыр. Күчә вә базараларда гаршысына беш-он китаб гојуб сатан инсанларын нечә мин ҹәримәләнмәсиндән бөјүк ҹинајәт нәдир.
МРҸ лајиһә милли мәҹлисдә хејир-дуа алаҹағы тәгдирдә аксијалар планыны нәзәрдән кечириб. Президент апараты, Милли Мәҹлис, мүхтәлиф дөвләт органларынын инзибати биналары гаршысында мөғвҹуд лајиһәнин бөјүк форматда символларыны јандырмаг нәзәрдә тутулур.
Бу аксијалар динҹ аксијадыр вә Гуранын јандырылдығы дүнјада шејтани сәнәдин јандырылмасы халг тәрәфиндән һөкмән дәстәк алаҹаг.
