Әһли Бејт -АБНА- хәбәр аҝентлијинин вердији хәбәрә әсасән: Ајәтуллаһ-үзма Систани һазырки дөврдә шиә мәзһәбинә дүшмәнләрин чохлуғундан данышыб. Гејд едиб ки, буна бахмајараг дүшмәнләр бу мәктәбдән чох горхурлар. Бөјүк алим бујуруб: “Иран Ислам дөвләтчилијинә малик јеҝанә өлкәдир. Буна ҝөрә дә һәр биримиз бу һөкумәтин ҝүҹләнмәси үчүн чалышмалыјыг.”
Ајәтуллаһ-үзма Систани бујуруб: “Иран вә онун проблемләринә ҝөрә Аллаһ гаршысында мәсулијјәт дашыјырыг. Бу дөвләтчилији зәифләдәҹәк бир кәлмә сөз дилимә ҝәлмәз.”
Табнак хәбәр верир ки, Ајәтуллаһ Мүртәза Әшрәфи Шаһруди јазыр: “Ҹари ил фәрвәрдин ајында мүгәддәс зијарәтҝаһларда олдум. Нәҹәфи-Әшрәфдә Ајәтуллаһ-үзма Систани илә 45 дәгигәлик хүсуси ҝөрүшүмүз олду. О, елм һөвзәләринин мүстәгиллији илә бағлы ҹидди ниҝаранчылығыны билдирди. Ҹәнаб Систани бир сыра мәсәләләрә тохунду. Мән онун ниҝаранчылыгларыны Бөјүк Рәһбәрлик Мәгамы, һөвзә рәһбәрләринә чатдырдым.”
Шаһруди сөзүнә белә давам едир: “Тәглид мәрҹәси олан бөјүк алим бујурду: “Мән Ирандакы һадисәләрә сиздән дә диггәтли вә мәлуматлыјам.” Онун һөвзә илә бағлы дедикләри һансы дәрәҹәдә мәлуматлы олдуғуну ҝөстәрир. Ҹәнаб Систани билдирди ки, Ирандакы вәзијјәтлә бағлы мүәјјән ирадлар вар, амма буну ачыгламағын Ислам дөвләтчилијинә зәрәр олаҹағыны нәзәрә алараг бир кәлмә дә дилә ҝәтирмир вә јалныз өзүнү мәсул билир.
Ҹәнаб Шаһруди Шаһрудда Имам Садиг (ә) адына гызлар мәдрәсәси вә һәзрәт Вәлијји-әср адына оғланлар мәдрәсәсинин тәсисчисидир. О, Нәҹәф елм һөвзәсинин әһәмијјәти вә бу һөвзәдә Ајәтуллаһ-узма Систанинин ролу илә бағлы јазыр: “Бир сыра дүнја өлкәләриндәки шиәләрин вә мүсәлманларын ҝөзү Нәҹәфә дикилиб. Аллаһ-тәала Ислама хидмәтдә Ајәтуллаһ-үзма Систанија өмүр версин.”
О јазыр: “Шиә алимләринин ифтихары, онларын мүстәгиллији садә һәјат тәзидир. Шаһид олдум ки, Әрәбистандан Мәлик Абдуллаһ Ајәтуллаһ-үзма Систани илә ики дәфә телефон әлагәси јаратмаға ҹәһд етди. Амма бөјүк алим бу данышыгдан имтина етди.”
Ајәтуллаһ Әшрәфи Шаһруди Түркијәнин баш назири Рәҹәб Тәјјиб Әрдоғанын јахын кечмишдә Ајәтуллаһ-үзма Систани илә ҝөрүшә ҝетмәсини бөјүк дин алиминин нә дәрәҹәдә әһәмијјәтли шәхсијјәтә малик олмасына дәлил ҝөстәрир. О дејир: “Һазырда мәнтәгәнин әрәб дөвләтләри Иранла Суријанын рабитәсини кәсмәк үчүн милјардларла доллар хәрҹләјир. Билирләр ки, Сурија илә рабитә кәсилсә, Ливанла да рабитә гырылаҹаг. Бу исә дүшмәнләрин хејринәдир.”
Диггәт: Хәбәрдән истифадә етдикдә мәнбәјә истинад лазымдыр
