Әһли Бејт -АБНА- хәбәр аҝентлијинин вердији хәбәрә әсасән: Авропа Парламентинин рәһбәри Јежи Бузек “Азадлыг” радиосуна мүсаһибәсиндә дејиб: “Авропа Бирлији мүасир, чичәкләнән вә демократик Азәрбајҹанын гурулмасында ваҹиб тәрәфдаш олмаг истәјир”.
Јежи Бузек Азәрбајҹанда диалог, ифадә азадлығы, медиа плүрализми мүһитинин инкишафына, мүхалифәт вә вәтәндаш ҹәмијјәти гурумлары илә конструктив әмәкдашлығын даһа да мөһкәмләнәҹәјинә үмидлә јанашдығыны билдириб. О гејд едиб ки, Азәрбајҹанда бүтүн сијаси мәһбуслар азад едилмәлидир: “Мән “Шәрг тәрәфдашлығы” програмы вә Авропа Парламенти чәрчивәсиндә Азәрбајҹанла әмәли әмәкдашлығы алгышлајырам. Амма Азәрбајҹанда инсан һаглары вә сијаси азадлыглар саһәсиндә инкишаф әлагәләримизи даһа да мөһкәмләндирәрди”.
Гејд едәк ки, Һүгуг Мүдафиә Тәшкилатлары Мониторинг Групунун сијаһысы үзрә Азәрбајҹанда 30-дәк сијаси мәһбус вар. Бунлар “Јени Фикир” Ҝәнҹләр Тәшкилатынын сәдри Руслан Бәширли, сабиг сәһијјә назири Әли Инсанов, сабиг игтисади инкишаф назири Фәрһад Әлијев, ҝәнҹ фәаллар Ҹаббар Саваланлы, Бәхтијар Һаҹыјев, һүгуг мүдафиәчиси Видади Исҝәндәрли, 2 апрел мәһбуслары вә саир шәхсләрдир.
Бундан әлавә Азәрбајҹанда 10-дан чох исламчы фәал, еләҹә дә Азәрбајҹан Ислам Партијасынын лидери Мөвсүм Сәмәдов азадлыгдан мәһруметмә ҹәзасына мәһкум едилиб.
Диггәт: Хәбәрдән истифадә етдикдә мәнбәјә истинад лазымдыр
