Әһли Бејт -АБНА- хәбәр аҝентлијинин вердији хәбәрә әсасән: Бирләшмиш Милләтләр Тәшкилатына (БМТ) там үзв олмаг үчүн бејнәлхалг ҹәмијјәтдән дәстәк ахтаран Фәләстин өтән ҝүн БМТ-нин Елм, Тәһсил вә Мәдәнијјәт Комиссијасына (ЈУНЕСКО) үзв сечилиб. Фәләстинин БМТ Тәһлүкәсизлик Шурасында там үзвлүјү үчүн кечириләҹәк сәсвермәдән әввәл БМТ-јә бағлы ЈУНЕСКО-ја үзв олмасы символик әһәмијјәт дашыјыр.
Мәркәзи Франсанын пајтахты Парис шәһәриндә олан ЈУНЕСКО-нун өтән ҝүн кечирилән иҹласында сәсвермә заманы 58 үзвдән 40-ы Фәләстинин гурума үзв олмасына "һә" дејиб. Сәсвермә заманы 14 өлкә битәрәф, 4 өлкә исә әлејһинә сәс вериб.
АБШ вә Франсанын сых тәзјигинә бахмајараг, Фәләстинин ЈУНЕСКО-ја там үзв олмасы Тәһлүкәсизлик Шурасындакы сәсвермә үчүн Фәләстинә әһәмијјәтли бир үстүнлүк тәмин етмиш олду.
1974-ҹү илдән мүшаһидәчи үзв гисминдә ЈУНЕСКО-ја гатылан Фәләстин бундан әввәл 8 дәфә гурума там үзвлүк үчүн мүраҹиәт етсә дә, онун бу мүраҹиәти рәдд едилмишди.
Диггәт: Хәбәрдән истифадә етдикдә мәнбәјә истинад лазымдыр
