Әһли Бејт -АБНА- хәбәр аҝентлијинин вердији хәбәрә әсасән: Мүхалиф Иҹтимаи Палата октјабрын 18-дә кечирәҹәји бајрам јүрүшүнүн маршрутларыны мүәјјәнләшдириб.
Мәлуматы Иҹтимаи Палатанын Координасија Шурасынын үзвү Агил Сәмәдбәјли вериб.
Агил Сәмәдбәјли билдириб ки, Координасија Шурасынын октјабрын 5-дә кечирдији топлантыда јекун гәрар чыхарылыб: “Иҹтимаи Палата Бакы Шәһәр Иҹра Һакимијјәтинә јүрүшүн “Нәриманов” метро стансијасындан “Гарабағ” меһманханасына, Бәһрамҝурун һејкәлинин гаршысындан Дөвләт Бајрағы Мејданына вә “20 Јанвар” метро стансијасынын гаршысындан кечмиш “Гәләбә” кинотеатрынын гаршысына гәдәр олан машрутлардан бириндә кечирилмәси үчүн мүраҹиәт едәҹәк”.
Диггәт: Хәбәрдән истифадә етдикдә мәнбәјә истинад лазымдыр
