Чох вахт Азәрбајҹан Республикасынын мүхтәлиф шәһәр вә әјаләтләриндә Фәләстинин ишғалы илә бағлы тәдбир, мәсәлән Гүдс Ҝүнү кечириләндә бәзиләри етираз билдирир, “бизим Гарабағ дәрдимиз вар” дејиб Фәләстин мөвзусунун Азәрбајҹан үчүн доғма олмадығыны иддиа едирләр. Фәләстинин ишғалы илә Азәрбајҹанын ишғалы арасында нә фәрг вар? Нә үчүн Фәләстинин ишғалынын дүнја боју “достлары” вә “дүшмәнләри” даһа чохдур?
Тәрәфсиз политоложи бахыш будур ки, ән мүһүмү фәләстинлиләр Фәләстинин ишғалы ағрысыны јашајыр, азәрбајҹанлылар исә аз гала өзләри Азәрбајҹанын ишғал олундуғуну јаддан чыхарыб. Бир дәрдин ағрыларыны сән өзүн јашамырсанса, нә үчүн башгалары јашамалыдыр? Фәләстинли ушаглар әлинә сапанд алыб Исраил танкларынын өнүндә дајандығы вахт азәрбајҹанлы бөјүкләр јалныз шәхси һәјатыны гурмагла мәшғулдур. Нә вахт биз азәрбајҹанлылар газанҹымызын, вахтымызын, енержимизин бешдә бирини Гарабағ јолунда сәрф етсәк, вәтәнин ишғал олунмуш бешдә бир торпагларындан дүнја данышаҹаг, бу дәрдә дүнја ағлајаҹаг. Амма бу јалныз бир сәбәб иди вә Фәләстинин ишғалыны бејнәлхалглашдыран башга сәбәбләр дә вар. Мәсәлән, Фәләстини ишғал едән Исраил бүтүн бәшәријјәтә һаким олмаг үчүн һәрби ҹинајәтләрдән дә чәкинмир. Онун сијасәтләрини бүтүн дүнјанын, о ҹүмләдән Азәрбајҹан һакимијјәтинин јухары ешалону дәстәкләјир. Азәрбајҹанын торпагларыны ермәниләр ишғал едибсә, мәнәвијјат вә руһуна Исраил һакимлик етмәкдәдир. Ән кичик сүбут һемосексуалларын парады сајылан Евровисионун Бакыда кечирилмәсидир.
* * *
Иран пајтахтында Фәләстин Мүгавимәт Һәрәкатынын (интифазәнин) һимајә конфрансы ишә башлады. Бөјүк Рәһбәрлик Мәгамы Ајәтуллаһ Хаменеи Фәләстин Интифазәсини һимајә үзрә 5-ҹи бејнәлхалг конфрансын ачылышы мәрасиминдә чыхыш етди. О, Фәләстин мәсәләсини Ислам өлкәләри арасында бүтүн мүштәрәк мөвзулар арасында биринҹи дәрәҹәли мәсәлә адландырды. Ҹәнаб Рәһбәр Мисирин Кемп-Девид мәнтәгәсиндә диктатор әрәб режимләринин сионист Исраил гаршысындакы хијанәткар тәслимчилик мүгавиләсинин ләғвини фәләстинлиләрин тапдаланмыш һүгугларынын әлдә едилмәси јолунда дөнүш нөгтәси адландырды.
Ајәтуллаһ Хаменеи Фәләстин Азадлыг Тәшкилатынын һазыркы планыны да сионистләрин истәкләринә тәслим олмаг вә фәләстинли дидәрҝинләрин һүгугларынын ҝөрмәмәзлијә вурулмасы кими дәјәрләндирди. Ајәтуллаһ Хаменеи белә бујуруб: “Ики дөвләтин олмасы лајиһәси фәләстинли дидәрҝинләрин һагларынын ҝөрмәмәзлијә вурулмасы, 1948-ҹи илдә ишғал едилмиш әразиләрдә јерләшән фәләстинлиләрин һагларынын һәдәләнмәси, хәрчәнг шишинин реҝионда галмасы, һабелә Фәләстинин мәзлум халгынын нечә он иллик давам едән әзаб әзијјәтләринин тәкрар едилмәси мәнасындадыр... Иран Фәләстин халгы арасында референдум кечирилмәсини тәклиф едир. Чүнки Фәләстин халгы өз мүгәддәратыны тәјин етмәдә һаглыдыр вә мүсәлман вә христианлардан ибарәт олан бүтүн Фәләстин халгы әҹнәби мүһаҹирләр истисна олмагла бу референдумда иштирак етмәлидирләр вә бу просес Фәләстин әразиләринә мүһаҹирәт едәнләрин талејини дә тәјин едәҹәк…” Ҹәнаб Рәһбәр АБШ президенти Барак Обаманын "Исраил, Американын гырмызы хәттидир" сөзләрини дүнја империализминин маскасыны јытдығыны өнә чәкиб.
Һагг Јолу Елм вә Мәдәнијјәт Институту
