Әһли Бејт -АБНА- хәбәр аҝентлијинин вердији хәбәрә әсасән: Октјабрын 4-дә Ҝәнҹәнин Низами Рајон Мәһкәмәсиндә руһани Илгар Мусајевә 3 ил мүддәтинә азадлыгдан мәһруметмә ҹәзасы верилиб. “Фактхебер.ҹом” сајтынын мәлуматына ҝөрә, диндар Ҹинајәт Мәҹәлләсинин 221.2.2-ҹи маддәси илә (иҹтимаи гајданын горунмасы үзрә вәзифәни јеринә јетирән вә ја иҹтимаи гајданын позулмасынын гаршысыны алан һакимијјәт нүмајәндәсинә вә ја диҝәр шәхсә мүгавимәт ҝөстәрмәклә хулиганлыг) тәгсирли билиниб.
Илгар Мусајевин вәкили Елчин Намазов олуб. Лакин Елчин Намазов Вәкилләр Коллеҝијасындан чыхарылдығына ҝөрә иши сона чатдыра билмәјиб. Диндары дөвләтин тәјин етдији вәкил мүдафиә едиб.
Елчин Намазов ачыгламасында гејд едиб ки, о, Илгар Мусајевин һүгугларыны март ајындан – мәһкәмә просеси башлајандан горујуб: “Илгар Мусајев јанварын 8-дә полис әмәкдашларына ҝуја тәзјиг етдијинә ҝөрә һәбс олунмушду”.
Мәһкәмә просесинин март ајындан индијә гәдәр давам етмәсинә ҝәлинҹә, Елчин Намазов буну Илгар Мусајевин хәстәлији илә бағлајыб: “Онда епилептик тутмалар олур. Мәним галдырдығым вәсатәтлә диндар ијун ајында Пенитенсиар Хидмәтин Мүалиҹә Мүәссисәсиндә мүалиҹә алыб. Онун ағыр ҹәзаја мәһкум олунмасы бөјүк әдаләтсизликдир”.
Илгар Мусајевә чыхарылан һөкмлә 2011-ҹи илдә азадлыгдан мәһруметмә ҹәзасы алан фәалларын сајы јенә артыб вә 19-а чатыб. 2011-ҹи илдә даһа әввәл бу шәхсләр мәһкум олунмушдулар:
4 мај - ҝәнҹ фәал Ҹаббар Саваланлы;
11 мај - руһани фәал Азәр Ҹәбијев;
18 мај - ҝәнҹ фәал Бәхтијар Һаҹыјев;
2 ијун - илаһијјатчы фәал Һәсән Мәммәдов;
17 ијун - халг һәрәкаты лидерләриндән Немәт Пәнаһлы вә досту Ҹејһун Фәрзуллајев;
29 ијун - руһани фәал Фәхри Илјасов;
21 ијул - АХҸП фәалы Шаһин Һәсәнли;
25 август - АХҸП үзвләри Саһиб Кәримов, Ариф Алышлы, Зүлфүгар Ејвазлы, Бабәк Һәсәнов, Мүсават фәалы Елшән Һәсәнов вә битәрәф Елнур Исрәфилов;
27 август - һүгуг мүдафиәчиси Видади Исҝәндәрли.
3 октјабр - мүсаватчылар Ариф Һаҹылы, Турал Аббаслы, АХҸП функсионери Мәһәммәд Мәҹидли.
Диггәт: Хәбәрдән истифадә етдикдә мәнбәјә истинад лазымдыр
