Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда парламентин кечирилән иҹласынын ҝүндәлијинә “Дөвләт рүсуму һаггында” гануна дәјишиклик салыныб. Дәјишиклијә әсасән, Азәрбајҹан вәтәндашларына шәхсијјәт вәсигәсинин верилмәси вә ја дәјишдирилмәсинә ҝөрә рүсумлар мүәјјәнләшдирилиб.
Шәхсијјәт вәсигәси үч иш ҝүнү мүддәтиндә верилдикдә, 10 манат рүсум өдәнилир.
Гануна едилмиш диҝәр дәјишикллијә әсасән, 16 јашына чатмамыш Азәрбајҹан вәтәндашларына шәхсијјәт вәсигәси вериләркән, дөвләт рүсумундан азад олунурлар.
Дөвләт рүсумундан азад олунанлар сырасына гачгынлар, мәҹбури көчкүнләр, һәмчинин Азәрбајҹанда даими јашајан 16 јашына чатмамыш вәтәндашлығы олмајан шәхсләр вә Азәрбајҹан вәтәндашлығына гәбул едилмәси барәдә вәсатәт галдыран хариҹдә јашајан азәрбајҹанлылар да дахилдир.
Һазырда гүввәдә олан гануна ҝөрә, шәхсијјәт вәсигәси үч иш ҝүнү мүддәтиндә верилдикдә 5, үч иш ҝүнүндән сонракы мүддәтдә верилдикдә 1 манат дөвләт рүсуму алыныр.
Диггәт: Хәбәрдән истифадә етдикдә мәнбәјә истинад лазымдыр
