Әһли Бејт -АБНА- хәбәр аҝентлијинин вердији хәбәрә әсасән: Сентјабрын 27-дә Нәриманов Рајон Мәһкәмәсиндә 6 мај аксијасына ҝөрә һәбс олунан Әлван Һүсејнов, Рөвшән Мәммәдов, Нурани Мәммәдов, Араз Исмајылов вә Рүфәт Миријевин мәһкәмәси давам едиб. Прокурор Елфаг Сәфәров тәгсирләндирилән шәхсләрә ҹәза истәјиб.
Вәкил Анар Гасымлынын вердији ачыгламаја ҝөрә, дөвләт иттиһамчысы Араз Исмајылова 4 ил, Нурани Мәммәдов вә Рүфәт Миријевин 3 ил 6 ај мүддәтинә азадлыгдан мәһруметмә илә ҹәзаландырылмасыны истәјиб: “Бу ҝүн Азәрбајҹан мәһкәмәләриндә сијаси ишләр үзрә сон вахтлар растлашмадығымыз һадисә баш верди. Прокурор јүнҝүлләшдириҹи һаллары әсас ҝөтүрәрәк һүгугларыны мүдафиә етдијим Әлван Һүсејновун вә Рөвшән Мәммәдовун 2 ил 6 ај мүддәтинә шәрти ҹәза илә елә мәһкәмә залындан дәрһал бурахылмасыны истәди”.
Анар Гасымлынын сөзләринә ҝөрә, нөвбәти мәһкәмә просесиндә һаким гәрарыны ачыглајаҹаг вә о, һүгугларыны мүдафиә етдији шәхсләрин азадлыға бурахылаҹағына инаныр.
Просес октјабрын 4-дә давам едәҹәк.
Һиҹаб аксијасы мајын 6-сы Тәһсил Назирлијинин бинасы гаршысында кечирилиб. Бу аксијаја ҝөрә 15 нәфәр ҹинајәт мәсулијјәтинә алынараг һәбс едилиб. Һүгуг мүһафизә органларынын мәлуматына ҝөрә, аксија иштиракчылары 4 шәхси автомобилә, бир нечә иҹтимаи-иашә вә тиҹарәт објектинә зијан вурублар, 26 полис әмәкдашы хәсарәт алыб.
Диггәт: Хәбәрдән истифадә етдикдә мәнбәјә истинад лазымдыр
