Әһли Бејт -АБНА- хәбәр аҝентлијинин вердији хәбәрә әсасән: Исраилин хариҹи ишләр назири Авиҝдор Либерманн бир даһа билдириб ки, әҝәр БМТ-нин тәһлүкәсизлик шурасы Фәләстини мүстәгил дөвләт кими таныса, бунун ҹидди агибәти олаҹаг.
Мисир вә Испанијадан олан дипломатлар исә бундан әввәл Фәләстинин тәклифини дәстәкләјибләр.
Испанијанын хариҹи ишләр назири Тринидад Жименез 2 дөвләт вә сүлһ данышыгларынын Исраил-Фәләстин мүнагишәсинин һәллиндә ән јахшы алтернатив олдуғуну дејир.
Сентјабрын 26-да БМТ-нин Тәһлүкәсизлик Шурасында БМТ-јә тамһүгуглу үзвлүклә бағлы Фәләстинин тәклифинә бахылаҹаг.
АБШ артыг тәһлүкәсизлик шурасында вето гојмаг һүгугундан истифадә едәҹәјини дејиб.
Јахын Шәрг сүлһ просесинә васитәчилик едән АБШ, Авропа Бирлији, БМТ вә Русија тәрәфләри 1 ај әрзиндә бирбаша данышыглары бәрпа етмәјә чағырыблар.
Диггәт: Хәбәрдән истифадә етдикдә мәнбәјә истинад лазымдыр
