Әһли Бејт -АБНА- хәбәр аҝентлијинин вердији хәбәрә әсасән: Дағыстанын “Нур” Ислами вә Иҹтимаи Мәркәзинин рәһбәри билдирди: “Мүсәлман халгларын өјанышы АБШ-ын сијасәтләрини Орта Шәрг вә Фарс көрфәзиндә проблемлә үзләшдирди вә мејданы онун үчүн даралтды”.
Назим Зејналов шәнбә ҝүнү Москвада ИРНА-ја вердији мүсаһибәсиндә ачыглады: “Шимали Африка вә Орта Шәрг әрәб өлкәләриндә баш верән һадисәләр АБШ-а ачыг-ашкар билдирди ки, Ислам дүнјасы АБШ вә гәрб өлкәләринин һөкмранлығына бундан артыг иҹазә вермир”.
О, Мисир вә Тунусдә гәрб тәрәфдарлары олан Һүсни наМүбарәк вә Бин Әлинин деврилмәсинә, бу јахынларда Гәддафинин һакимијјәт күрсүсүндән ендирилмәсинә ишарә едәрәк билдирди: “Бүтүн бунлар АБШ үчүн бир хәбәрдарлыгдыр. Амма онлар јенә дә јаранмыш вәзијјәтдән суи-истифадә етмәјә чалышырлар”.
“Нур” Ислами вә Иҹтимаи Мәркәзинин рәһбәри сөзләринә давам едәрәк деди: “Мүсәлманлар бир чох әрәб өлкәләриндә, о ҹүмләдән Бәһрејн, Иорданија вә Сәудијјә Әрәбистанында зүлмкар вә диктататорлуг режиминдән ҹана дојублар. Бу өлкәләрин рәһбәрләри өз тахт-таҹларыны горумаг үчүн чобалајырлар”.
Назим Зејналов мүсәлманларын һүгугларыны мүдафиә етмәји бүтүн мүсәлманларын, хүсусилә дә Ислам өлкәләринин вәзифәси олдуғуну билдирәрәк деди: “Бәһрејн, вә Сәудијјә Әрәбистанында мүсәлманлара зүлм олмасына шаһид олдуғумуз сурәтдә раһат ола билмәрик”.
Русија мүсәлманлары експерти буну да гејд етди: “Бәһрејнин Манама вә диҝәр шәһәрләриндә бир нечә мәсҹид дағыдылмышдыр. Али-хәлифәнин АБШ режими мәсҹидләрә гаршы сионист режиминдән дә пис рәфтар едир”.
“Нур” Мәркәзинин рәһбәри сөзүнә давам едиб деди: “Вәлијји-әмри мүслимин Ајәтуллаһ Хаменејинин бујурдуғу кими Бәһрејн мәсәләси бүтүн мүсәлманларын мәсәләсидир вә буна һамы диггәт етмәлидир. Нә гәдәр ки, бу өлкәдә халга зүлм олунур, Ислам үммәти раһат ола биләмәз”.
Назим Зејналов АБШ вә мүттәфигләринин Бәһрејиндә Али-хәлифәнин ҹинајәтләри гаршысында сүкутуну онларын Бәһрејн режими сијасәтләриндән разы олмалары әламәти адландырыб деди: “Әҝәр Али-хәлифәнин төрәтдији ҹинајәтләрин онда бири диҝәр бир өлкәлдә баш версәјди, гәрб өлкәләри, хүсусилә дә АБШ вә онларла ејни сијаси әгидәдә олан инсан һүгуглары тәшкилатлары инсан һүгугларынын позулмасы барәдә һај-күј галдырардылар. Амма Бәһрејн барәдә сусурлар”.
Русија мүсәлманлары експерти мүсаһибәсинин сонунда гејд етди: “Бу һәссас бир заманда Ислам алимләри АБШ-ын Ислам өлкәләринә гаршы ишғалычылыг сијасәтләринин гаршысыны алмагда бир-бирләри илә әмәкдашлыг етмәли вә ислами ојаныш нуруну ҝүҹләндирмәлидирләр ки, мүсәлманлар ондан бәһрәләнсинләр”.
Диггәт: Хәбәрдән истифадә етдикдә мәнбәјә истинад лазымдыр
