Әһли Бејт -АБНА- хәбәр аҝентлијинин вердији хәбәрә әсасән:
Русија хариҹи ишләр назири Серҝеј Лавров билдириб ки, Русија әрәб өлкәләриндә кечирилән нүмајишләрә мүнасибәтдә бејнәлхалг иҹтимаијјәтинин икили стандарларлар сијасәтинин әлејһинәдир.
“Бу вә ја диҝәр өлкәләрин мүәјјән мәгсәдләрә әсасланан икили стандартлар сијасәтинә бу мәсәләләрдә јер олмамалыдыр”, - дејә ХИН рәһбәри билдириб.
“Баша дүшмәк чәтиндир, нијә ҹидди силаһлы мүнагишәләрин давам етдији Јәмәндә бејнәлхалг иҹтимаијјәт там әсасландырылмыш шәкилдә һөкумәт илә мүхалифәт арасында компромис тапмаға чалышыр, амма ејни вахтда Суријада белә һадисәләр баш верән заман әксәр нүфузлу өлкәләр мүхалифәти һакимијјәт илә бүтүн данышыглары бојкот етмәјә вә һөкумәтә гаршы мүбаризәни давам етдирмәјә чағырыр? Онлар һәтта президент Бәшәр Әсәд тәрәфиндән тәклиф едилән ислаһатлары мүзакирә етмәјә дә имкан вермирләр”, - дејә Лавров вурғулајыб.
Диггәт: Хәбәрдән истифадә етдикдә мәнбәјә истинад лазымдыр
