Әһли Бејт -АБНА- хәбәр аҝентлијинин вердији хәбәрә әсасән:
Һаким мәһкәмәни ачыг елан еләди. Катиб шаһидләрин адларыны елан едәндән сонра һал шаһиди гисминдә Губа сакини Ҹәфәр Ҹәфәров дәвәт олунду. Она һаглары таныдылды. Охуја билмәдијиндән катибин көмәји илә анд ичди. Даһа сонра сәрбәст ифадәсинә башлады. Ҹ.Ҹәфәров Губада оларкән полисләрин она јахынлашараг һал-шаһиди гисминдә дәвәт еләдијини билдирди: «Евә јахынлашанда Илһам Әләсҝәрову ҝөрдүм. Ону таныјырам. Такси шофери кими хидмәтләриндән истифадә етмишәм. Дәјанәтин евинә ҝирмәк истәјәндә ханымлар ев саһибинин ишдә олдуғуну билдирдиләр вә о ҝәләнә кими ҝөзләмәјимизи хаһиш етдиләр. Ханымлардан бири атасына зәнҝ еләди. 20 дәгигәдән сонра ев саһиби ҝәлди вә биз ичәри дахил олдуг».
Дөвләт иттиһамчысынын суалларындан сонра Анар Гасымов шаһидә мүраҹиәт етди.
А.Г: Индијә кими һал шаһиди олмусунуз?
Ҹ.Ҹ: Бәли.
А.Г: Јадыныздадыр нечә дәфә олуб? Јәни бир дәфә, ики дәфә...
Ҹ.Ҹ: Хејр јадымда дејил.
Бундан сонра да һал шаһиди суаллара гејри-мүәјјән ҹаваб вермәјә башлады ки, бу да наразылыглара сәбәб олду. Дәјанәт Сәмәдов да һал шаһидинин гејри-објектив олдуғуну дејәрәк, наразылығыны билдирди. Бу заман онунла һал-шаһиди арасында гыса бир сөз полемикасы да јаранды. Ҹ.Ҹәфәров Д.Сәмәдова һәдә ишарәси олараг бармағыны силкәләјәндә исә вәкилләр өз етиразларыны билдирдиләр: «Шаһид сөзләри вә бу сон һәрәкәти илә өз мөвгејини билдириб. Һалбуки, о, јалныз ҝөрдүкләрини демәлидир. Онун бу ишдә мараглы олдуғу ҝөрүнүр. Хаһиш едирәм бу мәсәлә ҝәләҹәкдә сүбут үчүн ишә әлавә олунсун».
«ҺАКИМ, СИЗ ШАҺИДИН ВӘКИЛИ РОЛУНДА ЧЫХЫШ ЕТМӘЈИН»
А.Г: Тәһсилиниз вар?
Ҹ.Ҹ: Вар.
А.Г: Латын графикасыны билирсиниз?
Ҹ.Ҹ: Јох.
А.Г: Јадыныздадыр протокол һансы дилдә иди?
Ҹ.Ҹ:…
Һаким Е.Исмајылов: Шаһид «охудум» демәди.
А.Г (һакимә
