Әһли Бејт -АБНА- хәбәр аҝентлијинин вердији хәбәрә әсасән:
Бу барәдә А.Сүлејмановун вәкили Анар Гасымлы хәбәр вериб. Онун сөзләринә ҝөрә, гәрарын гәбулунда кифајәт гәдәр нөгсанлар олмасына вә һәбс гәтимкан тәдбиринин кифајәт гәдәр әсасландырылмамасына бахмајараг апелјасија шикајәти тәмин едилмәјиб.
Вәкилин ону да билдирди ки, Абҝүл Сүлејмановдан башга барәсиндә һәбс гәтимкан тәдбири сечилмиш Азәрбајҹан ислам партијасынын (АИП) тәшкилати ишләр үзрә мүавини Ариф Гәнијевин дә апелјасија шикајәти тәмин едилмәјиб. А.Гәнијевин апелјасија шикајәтинә һаким Һәсән Әһмәдовун сәдрлији илә бахылыб.
“Һәр ики тәгсирләндирилән шәхс мәһкәмә иҹласына ҝәтирилмишди. Просес А.Сүлејмановун вә А.Гәнијевин иштиракы илә кечирилиб”, - дејә А.Гасымлы билдириб.
Мүдафиә тәрәфинин нөвбәти аддымларын неҹә олаҹағыны ҹавабландыран вәкил билдирди ки, гаршыда һәбс гәтимкан тәдбиринин ев дустаглығы илә әвәз олунмасы барәдә вәсатәт галдырылаҹаг: “Ејни заманда истинтагын ҝедиши илә бағлы бир-сыра вәсатәтләримиздә олаҹаг ки, онлары да истинтага тәгдим едәҹәјик”.
Анар Гасымлынын сөзләринә ҝөрә, бу ишин истинтагы гәтијјән Милли тәһлүкәсизлик назирлијинә аид дејил.
“Ариф Гәнијевин ишинә Сумгајыт полис идарәсиндә, Абҝүл Сүлејмановун ишинә исә Исмајыллы полис шөбәсиндә бахылмалыдыр. Тәәссүф ки, дедикләримиз бу ҝүн гәбул олунмур. Чох ҝүман ки, ҝәләҹәкдә бу мәсәләләр Авропа Инсан Һүгуглары Мәһкәмәси тәрәфиндән гијмәтләндириләҹәк”, - Анар Гасымлы белә деди.
Хатырладаг ки, өлкәнин танынмыш руһаниси Һаҹы Абҝүл Сүлејманов Исмајыллы рајонунун Лаһыҹ кәндиндә гајнатасынын евиндә оларкән, Ариф Гәнијев исә Сумгајыт шәһәриндә шүбһәли шәхс гисминдә августун 11 – дә сахланылыблар. Августун 13 –дә һаким Елнур Һәсәновун сәдрлији илә Сәбаил рајон мәһкәмәсиндә һәр ики шәхс барәсиндә 2 ај мүддәтиндә һәбс гәтимкан тәдбири сечилиб.
Диггәт: Хәбәрдән истифадә етдикдә мәнбәјә истинад лазымдыр
