Әһли Бејт -АБНА- хәбәр аҝентлијинин вердији хәбәрә әсасән: Һәзрәти Ајәтуллаһ Мәкарим Ширази мүбарәк Рамазан Ајынын дахил олмасы әрәфәсиндә өз илаһи Бәјанијјәсини вермишдир. Бәјанијјәдә ҹәнаб Мәкарим Ширази мүсәлман вә диндар тәбәгәнин ајыглыгла заманәнин фиронларына гаршы гијам етмәләрини, мәхсусән Бәһрејнин шүҹаәтли шиәләрин әдаләт наминә залымлара гаршы апардыглары мүбаризә һәрәкатыны вә Фәләстин халгынын сионистләр мүгабилндә үмүд вериҹи мүгавимәтләрини бүтүн Аллаһсевәрләр үчүн фәхр мәнбәји сајмышдыр.
Бәјанијјәнин мәтни јалныз АБНА аҝентлијининә һәвалә олунмушдур. Әзиз зијарәтчиләримизи Бәјанатын мәтни илә таныш едирик:
Бисмиллаһир Рәһманир Рәһим
Мүбарәк Рамазан ајы, рәһмәт, бәрәкәт, бағышланма, бәшәрин еләҹәдә бәшәр иҹтимаијјәтинин мадди вә мәнәви үнсүрләринин ислаһ едән ајыдыр: Белә ҝүман едилмәсин ки, бу ајдакы ибадәтләр тәкҹә оруҹ тутмагдан ибарәтдир. Нәфси Әммарә илә мүбаризә бу ајын ән мүһүм ибадәтидир.
Бу ҝүнләрдә Исламын анд ичмиш бәдхаһ дүшмәнләри истәр өлкә дахилиндә истәрсәдә өлкә хариҹиндә мүхтәлиф формаларда исламын әлејһинә тәблиғат апарыр. Дүнјанын мүхтәлиф бөлҝәләриндә мүсәлманларын вә онларын мәнафеләринин әлејһинә планлар чәкилир вә онлара гаршы мәдәни- маариф мүһарибәси апарырлар. Хүсуси иләдә Фәләстин, Әфганыстан, Пакистан, Ливан, Либија, Јәмән мүсәлманларынын вә гәһрәман Бәһрејн шиәләринин әлејһинә апарылан планлар.
Дүшмәнләр Исламы мәһф етмәкдән өтрү әл-әлә верибләр. Биз дә ҝәрәк шејтани фикирләрин иҹтимаијјәтдә јер тапа билмәмәсиндән өтрү бир омалыјыг. Бүтүн мүсәлманлары бу ишдән аҝаһ етмәлијик. Ҹаһил вә надан инсанлары илк нөвбәдә ихлас илә тутдуглары ишин маһијјәтиндән аҝаһ едиб бу ишдән әл чәкмәси үчүн руһунун вә ҹисминин пакланмасы үчүн чалышаг вә бу ајын мадди вә мәнәви бәрәкәтләриндән истифадә етмәклә өз инсани вәзифәмизи һәјата кечиртмиш олаг.
Мүсәлман вә диндар тәбәгәнин ајыглыгла заманәнин фиронларына гаршы гијам етмәләри, мәхсусән Бәһрејнин шүҹаәтли шиәләрин әдаләт наминә залымлара гаршы апардыглары мүбаризә һәрәкаты вә Фәләстин халгынын сионистләр мүгабилндә үмүд вериҹи мүгавимәтләри, бүтүн Аллаһсевәрләр үчүн фәхр мәнбәјидир.
Бу ајда үмум дүнја Гүдс ҝүнүнүн олмасы мүсәлманлары бир араја вәһдәтә ҝәтириб, кафир вә мүнафигләрин зүлмүнә, дүнја истибдадчыларын һеҝеончулуғуна сон гојан ҝүндүр. Буна ҝөрәдә ҝәрәк бүтүн мүсәлманлар чох ајыг-сајыг олсунлар ки, илаһи тәгва сајәсиндә газандыглары бирлији дүнја малына гуршанмагла вә Шәрг вә Гәрб дүнјасынын јаланчы вәдләринә алданмагла әлдән вермәсинләр. Биз даим әбәди илаһи китаб олан Гурани Кәримин ниҹат вериҹи тәлимләри сајәсиндә өзүмүзүн вә диҝәр мүсәлман гардашларымызын дүнја вә ахирәт мәсәләләринин тәмин олунмасындан өтрү чалышмалыјыг.
Алим вә Ислам тәблиғатчыларынын өз нәфсләрини ислаһ етмәләри зәруридир. Үләмалыар ҝәрәк јаланчы Бәшәр Һүгуг Мүһафизәчиләринин јаландан сүрүтдәдикләри сијасәтә гаршы чыхараг онларын сијаси ојунбазлыгларына, мүсәлманларын илк гибләси олан Гүдсүн ишғал олунмасына етираз етсинләр вә дүшмәнләрин һијләләринин гаршысында дурсунлар.
Ислам тәблиғатчылары вә үләмалары билмәлидирләр ки, мүсәлманларын дүшмән чәнҝиндән хилас олма јолу јанлыз дүшмәнә вә онун һијләләринә аҝаһалыг тапмагла, бу јолда ҹиддијәт хәрҹ етмәклә, вәһдәти горумагла, һамылыгла иззәт вә шәрәф саһиби олан Аллаһа тәвәккүл етмәклә мүмкүн ола биләр.
Насир Мәкарим Ширази
28.7.2011
Диггәт: Хәбәрдән истифадә етдикдә мәнбәјә истинад лазымдыр
