Әһли Бејт -АБНА- хәбәр аҝентлијинин вердији хәбәрә әсасән: Хәтаи рајон әразисиндә оғурлуг олуб. Бир нечә ҝүн әввәл баш верән һадисәни иҹра башчыларындан биринин гардашы оғлу төрәдиб. “Азадлыг”а дахил олан мәлуматларда һәмин иҹра башчысынын вә онун гардашы оғлунун адлары да гејд олунуб. Садәҹә, бәзи дәгигләшдирмәләр апардығымыздан һәләлик адлары ачыгламырыг.
Мәлуматларда дејилир ки, иҹра башчысынын гардашы оғлу Хәтаи рајону әразисиндә автомобилләрдән биринин шүшәсини гырараг орадан 25 мин манат пул ҝөтүрүб. Онун машында пул олмасындан әввәлҹәдән хәбәри олуб. Хәтаи полиси дәрһал ҹинајәтин үстүнү ачыб. Лакин бәлли оланда ки, ҹинајәти төрәдән шәхс иҹра башчыларындан биринин гардашы оғлудур ону һәбс етмәјибләр. Һазырда бу ҹинајәт иши илә бағлы материаллар Хәтаи полисиндә “јатыр”. Мәлумат редаксијамыза ҝеҹә саатларында дахил олдуғундан, ДИН-ин мөвгејини өјрәнә билмәдик.
Мөвзуја гајыдаҹағыг.
Диггәт: Хәбәрдән истифадә етдикдә мәнбәјә истинад лазымдыр
