Гәјур (гејрәт саһиби) вә Адил (әдаләтли) Аллаһын ады илә!
“О кәсләр (мөминләр) ки, ҹамматдан (бәзиләри) онлара: "Ҹамаат (дүшмәнләр) сизә гаршы (гүввә) топламышдыр, онлардан горхун!" - дедикдә, (бу сөз) онларын иманыны даһа да артырды вә онлар: "Аллаһ бизә бәс едәр. О нә ҝөзәл вәкилдир!" - дејә ҹаваб вердиләр.” (Али-Имран, 173)
Мәлум олдуғу кими, Ислам дини вә етигадлары, намус-гејрәт мәсәләси олан баш өртүјүнү мүдафиә едиб, дөвләт тәрәфиндән гејри-рәсми һиҹаб гадағасына етираз сәбәбиндән шәрләнәрәк һәбс олунмуш дин хадимләринин вә мөминләрин сифаришли мәһкәмәси өз ишинә башлајыр.
Һагг-әдаләт ашигләринә ҝүн кими ајдындыр вә һеч бир шәкк-шүбһә јохдур ки, Азәрбајҹанда мүстәгил вә әдаләтли мәһкәмә системи һәлә дә хәјал олараг галыр. Өлкәдә мүсәлман халгын сәсиндән јарарланараг игтидара ҝәлмиш һакимијјәт истәнилән вахт хошуна ҝәлмәјәни, һаггы дејән вәтәндашы шәрләјәрәк зиндана атмағы ҝөзәл баҹарыр вә бунунла јанашы әдаләтдән дәм вурур. Сон заманлар Ислам Партијасы сәдринин, үмумијјәтлә исламчыларын вә һаггы дејән азад ҝәнҹләримизин мүхтәлиф бөһтанлара һәбс олунмасы дејиләнләрә тутарлы дәлилдир.
Һиҹаб вә Һиҹаб Гадағасы Мәһбусларыны Мүдафиә Комитәси бу ҝүнә кими һәбс олунмуш 37 исламчынын тәк-тәк һүгугларынын вә азадлыгларынын горунумасыны һиҹабын, намус-гејрәтин вә Вәтәнин горумасы илә ејни шәри вәзифә билир вә бу анти-ислам кампанијанын иҹрачыларынын диггәтинә чатдырыр ки, нә гәдәр ки шәрләнәрәк һәбс олунмуш дин хадимләри вә исламчы гардашларымыз сон нәфәрәдәк зинданлардан вә мәһкәмә залларындан иззәт вә еһтирмала азадлыға чыхмајыб, мүбариз дин хадимләринин, мөминләрин вә бүтөвлүкдә исламсевәр мүсәлман халгымызын бүтүн бу просесләрә гаршы мүбаризәси ардыҹыл шәкилдә давам едәҹәк.
Бу бахымдан истәр бу вахта кими, истәрсә дә бундан сонра һәр бир дин хадиминә вә исламсевәрә верилән һәбс ҹәзасы онларын мүбаризәсини даһа да ҝүҹләндирәҹәк вә бу мүбаризә мүддәтинин даһа да узанмасына хидмәт едәҹәк.
Бирдәфәлик билмәк лазымдыр ки, Аллаһа иман ҝәтириб, Она тәвәккүл едән гејрәтли, иманлы, мүбариз Гуран вә Әһли-бејт (ә) ашигләрини, дин хадимләрини, мөминләри вә исламсевәрләри һеч вахт зиндан, сүрҝүн вә өлүмлә горхутмаг вә сүкута сөвг етмәк кимсәнин ҝүҹүндә олмајыб вә олмајаҹаг!
ҺҺГМ МК-нын мәтбуат хидмәти
