Әһли Бејт -АБНА- хәбәр аҝентлијинин вердији хәбәрә әсасән: ҺаггЈолу.орҝ порталы Мүбариз Руһаниләр Ҹәмијјәтинин (МРҸ) сәдри руһани-тәләбә Тоһид Ибраһимбәјли илә мүсаһибә алмышдыр.
-Салам, дәвәтимизи гәбул едиб, мүсаһибәјә вахт ајырдығыныз үчүн тәшәккүр едирик.
-Мәним дә миннәтдарлығымы гәбул един. Зәһмәт чәкирсиниз.
-Сөһбәтимиздә Һиҹаб Гадағасы, Һиҹаб Мәһбуслары вә сон һадисәләрә мүнасибәтинизи өјрәнәҹәјик. Илк суал будур: Һиҹаб Гадағасындан сонра дини фәалијјәтләрин нә фајдасы олуб?
-Әсас иш мөвзунун иҹтимаиләшмәсидир. Артыг Һиҹаб Гадағасы бүтүн Азәрбајҹан үчүн ағрылы мөвзудур. Бундан әлавә мөвзу өлкә сәрһәдләрини ашды, бејнәлхалг әһәмијјәт кәсб етди.
Дөвләт Һиҹаб Гадағасыны гәбул етдирә билмәди, иши далана дирәнди. Әвәзиндә ҹәмијјәт активләшди.Тәсәввүр един ки, һиҹаб орта мәктәбләрдә гадаған едилиб вә һазырда тәтилдир. Амма һиҹаб мөвзусу ҝүндәмдән дүшмүр, һәр ҝүн ҝүндәмдә даһа артыг јер алыр.
-Сизин дедикләриниздән белә анлашылды ки, Һиҹаб Гадағасы дини кәсим үчүн јалныз инкишаф, тәрәгги, газанҹ ҝәтириб. Бәс диндарлар арасындакы ихтилафлары нәзәрә алмырсыныз?
-Һиҹаб Гадағасына гаршы чыхмаг бүтүн мүсәлманларын вәзифәсидир. Амма бүтүн мүсәлманларын имканлары ејни дејил. Кими етираз аксијасы кечирир, кими мәгалә јазыр, кими садәҹә намаз үстә дуа едир.
Азәрбајҹан Республикасында мәрһум Һаҹы Әликрам вә онун чеврәсиндә башламыш Ислам һәрәкатынын нә јашы вар ки! Биз һәрәкатын башланғыҹындајыг вә јүнҝүл фикир ајрылыглары тәбиидир. Заман кечдикҹә, фәаллар тәҹрүбә топладыгҹа ихтилафлар да һәллини тапаҹаг.
Дини кәсим тәҹрүбәсиз олдуғундан чохлары дүшүнүр ки, бүтүн фәалијјәтләр бир истигамәтдә, бир бојада олмалыдыр. Бу истәк нә нәзәри, нә тәҹрүби бахымдан мәгбул дејил. Ҹәмијјәтдә мүхтәлиф мүбаризә үсуллары вар. Һәр зүмрә өз имканларындан чыхыш едир. Бири аксија, о бири конфранс кечирир, үчүнҹү бири јалныз танышларыны маарифләндирир.
Бүтүн сәтһи фикир ајрылыгларына бахмајараг бир шеј ајдындыр: нә һиҹаб гадағасы, нә диндарларын репрессијасы гәбул едилмәјәҹәк!
-Сиз сәтһи тәфригә дејирсиниз. Һансы ки дини ҹәмијјәтләрдән биринин фәалы “бу МРҸ һарадан чыхды” дејә сизин гурумун бәјанатларыны, фәалијјәтләрини һеч ҹајыр. Һәтта хәјанәтдә иттиһам едилирсиниз.
-Нәзәрдә тутдуғунуз сөзләрдән хәбәрим вар. Тарих боју белә шејләр олуб. Сәнин адыны чәкирләрсә, сәнә гаршы чыхырларса, демәк варсан вә фәалијјәтләрин гәбул едилир. Садәҹә сәлигә фәргинә ҝөрә бәзиләри тутумсузлуг ҝөстәрир. Елә билирләр ки, һамы ејни олмалыдыр. Ахы диндар дәмир адам - робот дејил. Инсанлар бахышларына ҝөрә ҹәмијјәтләрдә бирләшир. Мүбариз Руһаниләр Ҹәмијјәти дә низамнамәси олан дини бир ҹәмијјәтдир. МРҸ-нин “һарадан чыхдығыны” бу гурумун сәдрини һәбсә алмыш полис рәисләри јахшы билир. Бизи артыг һәбсхана диварлары таныјыр.
Бир әһвалат јадыма дүшүр. Мәрһум Имам Хомејни (р) мәлун Салман Рүшдијә өлүм һөкмү верәндә Иранын хариҹи ишләр назири доктор Вилајәти иди. Вилајәти хариҹдә оланда өлүм фитвасы һаггында суал вермишдиләр. Демишди ки, Салман Рүшди мәним дә гаршыма чыхса өлдүрәрәм. Ирана дөндүкдән сонра мәрһум Имам (р) ҹәнаб Вилајәтини гынамышды ки, сән дипломатсан, белә данышмамалысан.
Ајдын олур ки, фәргли фәалијјәтләр тәбии гаршыланмалыдыр. МРҸ һәм хариҹдә, һәм Азәрбајҹанда Ислам јолунда баҹардығыны едир вә буна ҝөрә тәзјигләрлә үзләшир.
Хәјанәтдә иттиһам едән дүшүнмәлидир ки, МРҸ-нин сон мәгсәди нәдир? Бизи бирләшдирән сон мәгсәддир. Әҝәр сон мәгсәдимиз Аллаһын разылығыдырса, һансы хәјанәтдән данышмаг олар?!
-Бир аз да ачыг данышаг. “100 мин имза” кампанијасына дәстәк вердијиниз үчүн иттиһам едилирсиниз. Бәзиләри би кампанијаны һиҹаб мәһбусларына өлүм һөкмү сајыр.
- Мәрҹәијјәт бујурур ки, бу проблеми сивил јолла һәлл един. Сивил јолун ән јүксәк формасы күтләви етираз аксијасыдыр. “100 мин имза” да башга бир сивил јолдур. Топланмыш 100 мин имза бизим үчүн бејнәлхалг мүстәвидә бир сәнәддир. Инди тәсәввүр един ки, бир груп гардашымыз јалныз митинг дејиб дуруб. Митингә гатылмаг һамынын имканындадырмы? Мәсәлән, мән хариҹдәјәмсә, неҹә гатылым митингә? Бири хәстәсә, јериндән галха билмирсә, неҹә ҝәлсин митингә? Бири јүксәк вәзифәдәдир, амма Аллаһ адамыдыр, митингә гатылса ишдән чыхарылаҹаг, тәгиб олунаҹаг – нә етмәлидир?
Амма мән хүсуси гејд едирәм: етираз аксијаларына гатылан, ҹанындан кечән, һәбсә дүшән, дөјүлән инсанла динҹ дини тәблиғат апаранын савабы ејни дејил. Гуранда Ниса сурәсинин 95-ҹи ајәсиндә бујурулур: “Зәрәр чәкмәдән әјләшән мөминләрлә Аллаһ јолунда өз маллары вә ҹанлары илә ҹиһад едән кимсәләр бир олмазлар. Аллаһ маллары вә ҹанлары илә вурушанлары әјләшәнләрдән (ҹиһада ҝетмәјәнләрдән) дәрәҹә етибарилә үстүн тутду. Аллаһ бунларын һамысына (һәр икисинә саваб) вәд етмишдир. (Лакин) Аллаһ мүҹаһидләрә (евләриндә) отуранлардан даһа бөјүк мүкафатларла имтијаз вермишдир.”
Бу бахымдам МРҸ “100 мин имза” кампанијасыны дәјәрләндирир вә дәстәкләјир. Һаҹы Илгар гардашымызын Ислам јолунда бөјүк зәһмәтләри вар. Бизи ријакарлыгда иттиһам едирләр. Биз Һаҹы Илгар, Һаҹы Шаһини о заман тәнгид етмишик ки, мүәјјән вәдләрә инаныб ҝөзләмә мөвгеји тутмушдулар. Әҝәр биз бу гардашлары Аллаһ еләмәмиш алчалтмышыгса нә үчүн онлар јох, башгалары етираз едир? Биз Һаҹы Илгара, Һаҹы Шаһинә раһат етираз едир, онларын етиразларыны раһат гәбул едирик. Дини ҹәмијјәт гулларын ҹәмијјәти дејил, хор дәстәси дејил.
Амма кампанијаја дә ирадымыз да вар. Чох истәјәрдик ки, “100 мин имза” кампанијасында һиҹаб мәһбусларынын азадлыға чыхмасы истәји дә јер алсын. Еләҹә дә, бу мүраҹиәт хаһиш јох, тәләб шәклиндә олсун. Инди иш саһиби буну сәлигәсинә ујғун сајмыр. Адама дејирләр ки, зәһмәт чәк, сән дә һиҹаб мәһбуслары үчүн имза јығ.
Имза топламаг јени иш дә дејил. Биз Астарада, Ләнкәранда , Ҝәнҹәдә һиҹаб гдағасынын ләғви истәји илә президентә мүраҹиәт үчүн имза топламышыг. Бу чох нормал бир тәдбирдир.
-Сон суал: иддиа олунур ки, МРҸ һеч бир һиҹаб аксијасында иштирак етмәјиб?
-(Ҝүлүмсүнүр) Тәвазөкарлыгдан узаг олса да, анти-ислам ҹәбһәнин һәдәфә алдығы анам Сүдабә ханым һеч вахт Азәрбајҹанда аксијада олмајыб, амма һиҹаб гәһрәманы сајылыр. Бизим мүамилә тәрәфимиз Аллаһдыр. Гој хәјанәткар десинләр, фәалијјәтсиз сајсынлар – бизә саваб ја ҹәза јазан онлар дејил ки, нараһат олаг.
-Бир сөзүнүз галдымы?
-Мән Мүгәддәс Мәшһәддә бөјүк устадларын һүзурунда олмушам. Бизә өз әмәлләримизи кичик, башга диндарлары
