Әһли Бејт -АБНА- хәбәр аҝентлијинин вердији хәбәрә әсасән: Бејрутун имам ҹүмәси әлламә Шејх Мәһәммәд Һүсејин Фәзлуллаһын оғлу Сејид Әли Фәзлуллаһ Азәрбајҹан Республикасында һиҹаб азадлығы уғрунда олан бүтүн халг һәрәкатларыны дәстәкләдијини билдириб.
"Азәрбајҹан Республикасы халгындан истәјирәм ки, гәтијјәтли олсунлар, проблемләр вә јанлышлыгларын арадан галдырылмасы јолуну давам етдирсинләр. Чүнки, һазырда Ислам вә күфр арасында мүһарибә ҝедир. Бәзи вахтлар бу мүһарибә һәрби, бәзи вахт исә сијаси мүстәвидә бүрузә едир. Бәзән дә өзүнү һиҹабын рәдд едилмәси формасында характеризә олунур. Дүнја империализми Ислама гаршы ҝениш вә һәртәрәфли һүҹума башлајыб вә бу мәгамда бизим вәзифәмиз бу проблеми арадан галдырмагдыр. Аллаһын пејғәмбәринә вә онун Әһли-Бејтинә диггәт ҝөстәрмәклә дүшмәнләрин бүтүн тәзјигләри гаршысында мүгавимәт ҝөстәрилмәлидир. Дүшмәнләри өз јолларындан дөндәрмәк үчүн халг өз ролуну ифа етмәлидир."
Бизим Азәрбајҹан Республикасы халгына сифаришимиз одур ки, Аллаһын јолуну һикмәт вә мүдрикликлә давам етдирсинләр, зәлиллик вә харлыға бојун әјмәсинләр. Өз принсипләриндән әл чәкмәсинләр вә гәләбәјә кими өз јолларыны давам етдирсинләр. Неҹә ки, Ливанда мүгавимәт сионистләрин медиа саһәсиндә ҝениш имканлара, һәрби үстүнлүјә вә бејнәлхалг һимајәјә малик олмаларына бахмајараг, өз мүбаризәсини давам етдирир вә гәләбәләр газаныр. Бәс, сиз дә гәләбә әлдә едә биләрсиниз. Мүгавимәт вә өз мәгсәдләриниздә гәтијјәтли олмагла проблемләрә бахмајараг Ислам јолунда аддымламагда давам един. Мән әминәм ки, бүтүн чәтинликләрә вә манеәләрә бахмајараг сиз дә Гуран-Кәримин бујурдуғу кими( әҝәр Аллаһа көмәк етсәниз, Аллаһ да сизә көмәк едәр вә гәләбә чаларсыныз) өз мәгсәдинизә наил олар вә гәләбә чаларсыныз. Иншаллаһ.
Диггәт: Хәбәрдән истифадә етдикдә мәнбәјә истинад лазымдыр
