Әһли Бејт -АБНА- хәбәр аҝентлијинин вердији хәбәрә әсасән: Ливијанын баш назири Бағдади әл-Маһмуди рәсми Триполинин Бенгазидә гурулмуш мүвәггәти һөкумәтлә тәмас гурдуғуну ачыглајыб.
Русија КИВ-нә истинадән вердији мәлумата ҝөрә, о, данышыгларын деталларыны ачыгламајыб.
Мараглыдыр ки, мүхалифәтин Бенгазидә гурдуғу һөкумәтдән баш назирин дедикләрини тәкзиб едибләр. Онлар һакимијјәтлә һеч бир данышыг апармадыгларыны ачыглајыблар.
Әл-Маһмуди исә дејиб ки, «һакимијјәт бүтүн тәрәфләрлә диалога һазырдыр». Индијәдәк Мисир, Франса, Норвеч вә Тунисдә Мүәммар Гәззафи режиминин нүмајәндәләрилә мүхалифәтчиләр арасында ҝөрүшләр кечирилдијини сөјләјән баш назир гаршы тәрәфдән данышыгларда иштирак етмиш шәхсләрин адларыны чәкә биләҹәјини дә вурғулајыб.
Диггәт: Хәбәрдән истифадә етдикдә мәнбәјә истинад лазымдыр
