Әһли Бејт -АБНА- хәбәр аҝентлијинин вердији хәбәрә әсасән: Сүлһ вә Демократија Институнун Сәмси Бәдәлбәјли күчәсиндә јерләшән офисинә 21-ҹи полис бөлмәсинин полисләри басгын едибләр.
Бу барәдә Ислам-Азери.аз Интернет гәзетинә Лејла Јунус мәлумат вериб.
Һүгуг мүдафиәчиси вә Сүлһ вә Демократија Институнун рәһбәри Лејла Јунус полисләрин онун офисинә басгын едилдијини Ислам-Азери.аз-а белә шәрһ едиб: "Тәхминән 10-а јахын полис бизим офисимизә басгын едиб вә бизи полис бөлмәсинә апармаг истәдиләр. Бу "әмәлијјат"а рәһбәрлији Нәсими рајону 21-ҹи полис бөлмәсинин рәиси Исмајил Шаһбазов едирди. Полисләрлә јанашы мүлкү ҝејимлиләр дә офисә ҝәлмишди. Мүлкү ҝејимлиләр "Мерседес" автомобили илә ҝәлмишдиләр. Мәндә о автомобилин нөмрәси вар. Онларын бу аддымы там ганунсузлугдур".
Полисләрин онларла ҝетмәсинә рәдд ҹавабыны дејән Лејла Јунус сөзләрини белә давам едиб: "Мән онларын басгыны заманы Норвеч, Франса, Бөјүк Британија сәфирликләринә зәнҝ етдим. Норвечин сәфири бизим офисимизә биринҹи ҝәлди. АТӘТ-ин нүмајәндәләри дә һадисәдән хәбәрдар олан кими өзләрини бура чатдырдылар. Дипломатик корпусларын нүмајәндәләрини ҝөрән полисләр даһа сонра офиси вә бинамыз олан әразини тәрк етдиләр. Мән сонра полис бөлмәси илә әлагә сахладым вә дедим ки, ҝәлирсинизсә инди ҝәлин. Лакин әлиниздә ордериниз олсун. Ганунсуз ҝәлмәјин. Тәхминән полисләр 1 саат 20 дәгигә офисимизин гаршысыны кәсмишдиләр. Полисләр Сүлһ вә Демократија Институтунун офисдә ишини дајандырмасыны истәјирдиләр".
