Әһли Бејт -АБНА- хәбәр аҝентлијинин вердији хәбәрә әсасән: Мај ајынын 6-сы Тәһсил Назирлији гаршысында кечирилән "Һиҹаба Азадлыг!" аксијасында һәбс едилән вә барәләриндә ҹинајәт иши ачылмыш 16 диндарын кимлији һагда мәлумат:
1. Бағыров Тале Камил оғлу. Илаһијјатчыдыр. Ирагын Нәҹәф вә Иранин Гум шәһәриндә дини тәһсил алиб. Һөҹҹәтүл-исламдыр. Аиләлидир. Бир өвлады вар.
Азәрбајҹан Республикасынын Ҹинајәт Мәҹәлләсинин 233-ҹү маддәси илә (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә), (3 илә гәдәр һәбс) иттиһам олунур.
2. Мәммәдов Рөвшән Ариф оғлу. Аиләлидир. Аз јашлы оғлу вар.
3. Һүсејнов Әлван Аслан оғлу. Аиләлидир. Аз јашлы өвлады вар. Атасы Аслан Һүсејнов Гарабағ дөјүшләриндә иштирак едиб. 2-ҹи груп әлилидир.
4. Нуријев Рүфәт Фазил оғлу - О мај ајынын 6-сы Тәһсил Назирлијинин гаршысында кечирилән "Һиҹаба Азадлыг!" аксијасында һәбс едилиб бир ҝүн полис бөлмәсиндә сахланылдыгдан сонра азад едилиб. Амма бир ҝүн сонра Полис әмәкдашлары ону јашадығы үнвана ҝәләрәк Нәриманов Рајон Баш Полис Идарәсинә апарыблар. Һал-һазырда Күрдәханы тәҹридханасында сахланылыр. Аиләлидир. Өвлады олаҹаг. Аиләдә јеҝанә ишләјән шәхс о иди. Атасы Фазил Нуријев 2-ҹи груп әлилидир.
5. Исмаилов Тәрлан Балакиши оғлу - Субајдыр. О мај ајынын 6-сы Тәһсил Назирлијинин гаршысында кечирилән "Һиҹаба Азадлыг!" аксијасында һәбс едилиб. Исмаилов Тәрлан аксија заманы полис әмәкдашлары тәрәфиндән ҹидди тәзјигләрә мәруз галмышдыр.
6. Вәлигулијев Рәшад Ҹүмшүд оғлу - Аиләлидир. 2 јашында гыз өвлады вар.
7. Әләкбәров Талеһ Надир оғлу - Аиләлидир. 10 јашлы оғлу вар.
8. Аббасов Елшән Сәрдар оғлу - О мај ајынын 6-сы "Һиҹаба Азадлыг!" аксијасындан һәбс едиләрәк 15 сутка һәбс ҹәзасы илә азадлыгдан мәһрум едилиб. 15 сутка һәбс мүддәти битдикдән сонра Күрдәханы тәҹридханасына көчүрүлүб. Бәрдә рајон сакинидир.
9. Исҝәндәров Заур Шаһлар оғлу - әлавә мәлумат јохдур.
10. Оруҹов Ширхан Зөһраб оғлу - әлавә мәлумат јохдур.
11. Новрузов Чинҝиз Фамил оғлу - О мај ајынын 6-сы Тәһсил Назирлијинин гаршысында кечирилән "Һиҹаба Азадлыг!" аксијасында һәбс едилиб бир ҝүн полис бөлмәсиндә сахланылдыгдан сонра азад едилиб. Амма бир ҝүн сонра Полис әмәкдашлары ону јашадығы үнвана ҝәләрәк Нәриманов Рајон Баш Полис Идарәсинә апарыблар. Һал-һазырда Күрдәханы тәҹридханасында сахланылыр. Субајдыр.
12. Јусифов Араз Васиф оғлу - әлавә мәлумат јохдур.
13. Әсҝәров Мәһәммәд Тофиг оғлу - әлавә мәлумат јохдур.
14. Абдуллајев Маис Фируз оғлу - әлавә мәлумат јохдур.
15. Мәммәдов Нурани Әһмәд оғлу - Аиләлидир. Атасы вә анасы вәфат едиб. Евин тәк оғлудур.
16. Турал - әлавә мәлумат јохдур. Мај ајынын 6-сы "Һиҹаба Азадлыг!" аксијасында һәбс едилән Турал адлы шәхс барәсиндә арашдырма давам едир.
Хатырладаг ки, “Һиҹаб Азадлыг” аксијасы мајын 6-да Тәһсил Назирлији гаршысында кечирилиб. Аксија илә бағлы Бакы Шәһәр Прокурорлуғунда Азәрбајҹан Республикасынын Ҹинајәт Мәҹәлләсинин 221.2.2. (иҹтимаи гајданын горунмасы үзрә вәзифәни јеринә јетирән вә ја иҹтимаи гајданын позулмасынын гаршысыны алан һакимијјәт нүмајәндәсинә вә ја диҝәр шәхсә мүгавимәт ҝөстәрмәклә хулиганлыг) вә 221.3. (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) маддәләри илә иш ачылыб. Истинтаг групунун рәһбәри Бакы Шәһәр Баш Полис Идарәсинин истинтаг вә тәһгигат идарәсинин рәиси Назим Исмајыловдур.
Диггәт: Хәбәрдән истифадә етдикдә мәнбәјә истинад лазымдыр
