Әһли Бејт -АБНА- хәбәр аҝентлијинин вердији хәбәрә әсасән: 6-мај Һиҹаба азадлыг аксијасы илә әлагәдар мајын 26 Масаллыда диндар Халид Нофәл оғлу саат 19:30 радәләриндә Масаллы рајон полис шөбәсинә апарылмышдыр.
Рајон полис шөбәсинән верилән мәлумата ҝөрә Бакы шәһәр баш полис идарәсиндән онлара мәктуб ҝәлмиш, мәктубда 6-мај һиҹаба азадлыг аксијасында иштирак едән 3-4 нәфәр Масаллы диндарларынын адлары јазылмышдыр. Диндарларын адлары бизә ачыгланмасада онлардан биринин Халид Нофәл оғлунун олдуғу билдирилмишдир.
17:00 радәләриндә Масаллы полис бөлмәсинә апарылмыш диндар Сејмур Исмајылов полис идарәсиндән азад едилди. Сејмур Исмајыловун билдирдијинә ҝөрә полис идарәсиндә ондан һансы партија вә ја тәшкилатын үзвү олдуғу сорушулмуш вә мајын 27-дә Бакы шәһәр баш полис идарәсиндә олмағы тәләб етмишләр. Әкс тәгдирдә Сејмур Исмајылову һәбс едиб голлары гандаллы Бакыја јоллајаҹагларыны билдирмишләр.
19:00-да Масаллы полис бөлмәсинә апарылмыш диндар Намиг Кишијев дә полис идарәсиндән азад едилди.
Намиг Кишијев:Полис идарәсиндә мәндән сорушдулар ки, һиҹаба азадлыг аксијасы олса јенә дә иштирак едәҹәксән? Мәндә һиҹаб мәсәләси өз һәллыни тапмајынҹа мән бүтүн аксијаларда иштирак едәҹәм ҹавабыны вердим. Мәндән башга лазымсыз суаллар да сорушдулар, мәндә ҹавабландырдым. Мајын 27-дә Бакы шәһәр баш полис идарәсиндә олмағы мәндән тәләб етдиләр. Әкс һалда мәни Бакыја мәҹбури јоллајаҹагларыны билдирдиләр.
22:00.......Масаллы полис бөлмәсинә апарылмыш диндар Халид Нофәл оғлу да артыг азадлыгдадыр. Илк 2 нәфәрдән сорушулан суаллар ондан да сорушулмушдур. Халид Нофәл оғлу да етдији әмәлдән пешман олмадығыны билдирмиш, јенә дә һиҹаба азадлыг аксијасы оларса иштирак едәҹәјини билдирмишдир. Ондан да мајын 27-дә Бакы шәһәр баш полис идарәсиндә олмағы тәләб етмишләр.
Диггәт: Хәбәрдән истифадә етдикдә мәнбәјә истинад лазымдыр
