Әһли Бејт -АБНА- хәбәр аҝентлијинин вердији хәбәрә әсасән: Русијанын Перм вилајәтинин Ленин Рајон Мәһкәмәси өлкәнин баш назири Владимир Путинә гаршы иддианы тәмин едәрәк онун 244 рубл (тәгрибән 8 манат) мәбләғиндә ҹәримәләнмәси барәдә гәрар чыхарыб.
Гәрар вәкил Алексеј Колесниченконун галдырдығы иддиа әсасында гәбул олунуб. Путинә ҝөндәрдији мәктуба ҹаваб алмајан пермли вәкил мәһкәмәдә галдырдығы иддиада баш назирин мәктубун ҝөндәрилмәсинә вә рүсума чәкилән хәрҹи өдәмәси тәләбини гојуб.
Иддиаја сәбәб олан мәктубу вәкил 2010-ҹу илин декабрында ҝөндәриб.
244 рублун өдәнилмәси һагда мәһкәмәнин чыхардығы гәрарла бағлы иҹра вәрәгәсинин артыг Мәһкәмә Иҹрачылары Федерал Хидмәтинә тәгдим едилдији билдирилир.
Диггәт: Хәбәрдән истифадә етдикдә мәнбәјә истинад лазымдыр
