Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын (АИП) сәдри Һаҹы Елчин Манафов Һәзрәт Пејғәмбәрин (с) гызы Фатимеји-Зәһра сәламуллаһын мөвлуду мүнасибәтилә Азәрбајҹан гадынларыны тәбрик едиб.
АИП-ин мәтбуат хидмәтиндән јајымланан хәбәрдә билдирилир ки, Тәбрикдә Азәрбајҹан Ислам Партијасынын мүвәгггәти сәдри Һаҹы Елчин Манафов дејиб: “Әзиз ана-баҹылар, сизи Һәзрәт Фатимәнин доғум ҝүнү – Бејнәлхалг Гадынлар бајрамы мүнасибәтилә сәмими гәлбдән тәбрик едир, хошбәхтлик, сәадәт вә ҹан сағлығы арзулајырам. Гој гүдрәтли Јарадан Азәрбајҹан халгыны, хүсусән иффәтли ханымлары шәр вә бәладан горусун. Онлара дүнјаја, халгымыза лајигли өвладлар јетирмәји, тәрбијә етмәји нәсиб етсин. Ислам аләминә, һәмчинин бүтүн бәшәријјәтә доған ҝүнәш кими парлајан, шөләси һеч заман сөнмәјән Фатимеји-Зәһра иффәтин вә исмәтин, гадын талејинин гуртулушу кими танинмыш вә танинмагдадыр. Сизләрә Зәһра паклығы вә гызы Зејнәб шүҹаәткарлығыны арзулајырам.
АИП Мәтбуат Хидмәти"
Диггәт: Хәбәрдән истифадә етдикдә мәнбәјә истинад лазымдыр
