Әһли Бејт АБНА хәбәр аҝентлијинин вердији хәбәрә әсасән: ҸИҺАН-нин вердији хәбәрә ҝөрә, Түркијәнин баш назири Рәҹәб Тәјјиб әрдоған Суријадакы просесләр һаггында өз фикрини билдириб.
Хәбәрдә билдирилир ки, Р.Әрдоған, 12 Ијун сечки платформасы чәрчивәсиндә Ризәдән Ҝиресуна ҝедәркән, медја нүмајәндәләринә бәзи ачыгламалар вериб. О, Гәрбин хаос јаратмаға чалышдығы Суријада мәзһәбләр арасында гаршыдурма јарадылмаға ҹәһд едилдијини ифадә едиб.
Әрдоған дејиб: "Гәрб, Јахын шәргдәки истинадҝаһларыны итирмәкдә олдуғу бу заманда, мүстәгил һәрәкәт етмәјә чалышан өлкәләрдә гарышыглыглар чыхармаға башлајыб. Суријада да белә планларын реаллашдырылмаға чалышылдығыны ҝөрмәкдәјик. Суријада мәзһәб гаршыдурмасы јаратмаг истәјирләр. Бу бизи нараһат етмәјә билмәз. Биз Суријадакы просесләри өз өлкәмиздәки кими изләјир вә орадакы проблемләри өз проблемимиз кими билирик. Суријадакы мүхтәлиф мәзһәбләрин мәнсублары әсрләрдир ки, бир јердә әминаманлыгла јашајыблар вә бу белә дә давам етмәлидир. Биз гардаш Сурија халгына алданмамағы төвсијә едирик.
Диггәт: Хәбәрдән истифадә етдикдә мәнбәјә истинад лазымдыр
