Адил Аллаһын ады илә!
Вәтәндә бүтүн мөминләрин гәлбиндә өзүнә хүсуси јер ачмыш әхлаг устадымыз, һөҹҹәтүл-Ислам вәл-мүслимин сејјид Һәсән Амилинин бәзи сирли мөвзуларын үзәриндән пәрдәләри ачмасы өлкәмиздә лап вәл-вәлә салыб. Чох “мәнәм-мәнәм” дејиб сәһәрдән ахшама гәдәр Иран Ислам Республикасынын әлјеһинә данышан вә ики гардаш милләти дүшмәнчилик һәддиндән дә јухары сәвијјәдә ҝөрмәк истәјәнләрин санки башларына бир гајнар газан су төкүлүб. Әлбәттә, төкүләҹәкдә. Әҝәр бу дүнјада төкүлмәсә дә, Гијамәт сәһнәсиндә өз мүсәлман халгынын торпағына, етигадына, дининә вә намус-гејрәтинә хәјанәт едәнләр гәти олараг ҹәзаларына чатаҹаглар. Буну бизә мүтләг варлығын саһиби вә мүтләг гүдрәт олан Аллаһ-таала вәд едир вә тарихдән өз халгына хәјанәт едәнләрин агибәтинин неҹә олмасы мәлумдур.
Устадымыз Вәтән торпағынын ганлы-гадалы ҝүнләриндә дин вә әгидә гардашларымызын, Аллаһы, идиоложи мәктәби, дини, дили, Гураны, Гибләси, бир олан мүсәлман гардашларына неҹә көмәк етмәләриндән бир гисмини ачыглады. Өзү дә елә бир вахтда ки, ики гардашы бир-биринә вурушдурмагдан өтрү дүшмән гүввәләр бүтүн гүввәләрдән истифадә етмәк һәддиндә иди. Бәли бу сирләр нә вахтса ачыгланҹагды. Бу дүнјада олмаса да Ахирәт алминдә Гијамәт сәһнәсиндә ачыгланаҹагдыр. Бу дүнјада халгын сәрвәтини талајыб онун торпагларына, Гуранына вә намус-гејрәтинә хәјанәт едәнләр һеч дә дүшүнмәсинләр ки чох аз бир мүддәтдән сонра дүнјадан ҝедәҹәкләр вә бунунла да раһатлашаҹагдылар. Бәзиләри белә дар шејтани дүшүнҹәләри илә бәзән өзләрини алдатмаг вә өз ҹинајәтләринә дават етмәк истәјирләр. Бәзән, ҝуја Ахирәт аләминә дә сирајәт етмиш кими, орда да јалан-палан, дүнјадакы пул вә сәрвәтләринин онларын һарајына јетәҹәкләринә үмид бәсләјирләр. Бу дүнјада о гәдәр гүдрәт, мал-пул вә ады дилләрдә әзбәр оланлар вар ки, инди Бәрзәх алминдә (Гијамәт ҝүнүнә гәдәр руһларын галдығы аләм) сүбһдән ахшама кими өз варисләриндән - даһа бундан артыг ҹинајәт етмәјин вә мәним еһтирамымы сахламаг истәјирсинизсә, һеч олмаса зәррә гәдәр дә олса, Аллаһа тәрәф ҝәлин вә ҹинајәтләринизә сон гојун дејә - фәрјад едир! Амма бүтүн бунлары ҝүнаһкар ешитмир вә ешитмәк дә истәмир!
Сон ҝүнләрдә мәсҹидләрин сөкүлмәси, намуслу вә гејрәтли алим вә мөминләрин шәрләнәрәк зинданлара атылмасы халгымызын гәзәбинә сәбәб олду. Игтидарын вә бәзи мәмурларын мүсәлман халгдан илләрлә ҝизлин сахламаг истәдкиләри мөвзуларын Аллаһын һикмәти илә ачылмасы бүтүн һагсевәр өлкә вәтәндашларына санки бир нөв шадлыг ҝәтириб. Бәли, хаинләр вә халгына хәјанәт едәнләр мүсәлман халга танытдырылмалыдыр. Халг өз досту илә дүшмәнини јахшы-јахшы ајрыд етмәлидир јохса, сону бәдбәхтчилијә вә мәһвә доғру ҝедәр. Пис дост һәмишә инсаны пис јоллара чәкәр. Бу ҝүнә кими гәрбин ијрәнҹ идиолоҝијасыны бизләрә телканалларымыздан “бал “ кими танытдыранлары танымалыјыг.
Бу мүсәлман халгын намус вә гејрәти илә ојнајанлары һансы мәгамда вә вәзифәдә олмасындан асылы олмајараг, мүсәлман халг өзү ҹәзаландырмалыдыр. Бизим халгымыз мүсәлмандыр. Бизим милли менталитетимизә јарашмаз ки, гызлары сојндуруб дүнјада онлары бир дәстә гәрб “лотуларынын” мүгабилиндә нүмајиш етдирәк. Һәтта, бу “лүт сојунмушлар” өз етигадларына ҝөрә мүсәлман дејилләрсә дә белә вә һансыса казинода вә ја “лүтләшмә залында” өзләрини кимәләрә нүмајиш етдирирләрсә, мүсәлман халгын рәһбәрлик мәгамында гәрар тутанлар, ән азы мүсәлман халгын адына јарашмајан белә биабырчылығы ефирә чыхармамалы вә мүсәлман халгын етигады вә дининә еһтирам гојмалыдырлар.
Мүсәлман халгын рәһбәрлик мәгамында мүвәггәти күрсүдә отуранлар о вахт нараһат олмалыдырлар ки, бу халгын Исламына, Гуранына еһтирмасызлыг олунур вә намуслу-гејрәтли алим вә ҹаванларына шәр атылыб зинданлара атылыр!
Мүсәлман халгын рәһбәрлик мәгамында мүвәггәти күрсүдә отуранлар о вахт нараһат олмалыдырлар ки, бүтүн дүнја медиасы өнүндә бу халгын мүгәддәс сајдығы Гуран ајаглар алтына атылыр вә иффәтли ханым бир сыра “дөвләт голчомағы” тәрәфиндән бөјүк еһтирамсызлыглара мәруз галыр!
Мүсәлман халгын рәһбәрлик мәгамында мүвәггәти күрсүдә отуранлар о вахт нараһат олмалыдырлар вә үзләри дә ҝүлмәли дејилләр ки, өлкәнин 20% торпаглары ишғал алтында вә јүзләрлә гыз-ҝәлин вә ҹаванлар дүшмән әсарәтиндәдирләр!
Аллаһдан горхун! Бундан арыг динимизә, Гуранымыза вә мүсәлман халгын инанҹларына еһтирамсызлыг етмәјин! Горхун о ҝүндән ки, Гијамәт сәһнәсиндә бүтүн әмәлләр вә сирләр ачылаҹаг. Буну Аллаһ-таала Өзү Гуранда сөз верир вә бујрур: “Биз һәр бир инсанын әмәлини өз бојнундан асар вә Гијамәт ҝүнү (бүтүн әмәлләрини) ачыг китаб кими гаршысына гојарыг. (Вә она белә дејәрик: ) "Оху, китабыны (әмәл дәфтәрини)" (Исра сурәси 13-14)
Горхун о ҝүндән ки, сәһнәләр ачылаҹаг вә ҝүнаһ вә ҹинајәт сәһнәләри олдуғу кими һамынын ҝөзү өүнүндә инсанын өзүнә ҝөстәриләҹәк вә һеч бир мәгам, пул, мал-дөвләт инсанын дадына јетә билмәјәҹәк. Гуранда охујуруг: “Бүтүн сирләрин ашкар олаҹағы о Гијамәт ҝүнү; (О ҝүн) инсанын нә (әзабы дәф едәҹәк) бир гүвәси, нә дә бир көмәкчиси олар!” (Тариг сурәси 9-10)
Мән бир руһани вә дин хадими кими бүтүн мүсәлман халгымыздан, алимләримиздән, гејрәтли вә намуслу шаирләримиздән, зијалыларымыздан вә нәһајәт шүҹаәтли мөмин ҹаванларымыздан бу ағыр шәраитдә Вәтәнин торпагларыны, Исламымызы, динимизи, әгидәмизи, мүгәддәс Гуранымызы вә мүсәлман халгымызын намус вә шәрәфини горумаға чағырырам! Әҝәр бу ҝүн бүтүн бу атрибутлар өлкәдә горунмаса сабаһ вә ҝәләҹәк нәсилләр бизләри бағышламаз вә Аллаһын да әзабына дүчар оларыг!
Амма, өлкәмиздә Ислама, Гурана вә динимизә гаршы “исламофобија” програмынын иҹрачыларынын диггәтинә Гурани-кәримин бу ајәсинә диггәт етмәјә чағырырам:
“Онлар Аллаһын нуруну ( Ислам динини, Гураны) ағызлары (батил сөзләри) илә сөндүрмәк истәјирләр. Аллаһ исә кафирләрин хошуна ҝәлмәсә дә, анҹаг өз нуруну (динини) тамамламаг истәр. Мүшрикләрин хошуна ҝәлмәсә дә, ону (Исламы) бүтүн динләрин фөвгүндә (бүтүн динләрдән үстүн) етмәк үчүн Өз Пејғәмбәрини доғру јолла вә һагг динлә ҝөндәрән Одур!” (Төвбә сурәси 32-33)
Һаҹы Фаиг Вәлизадә
