Әһли Бејт -АБНА- хәбәр аҝентлијинин вердији хәбәрә әсасән: Гафгаз Мүсәлманлары Идарәсинин рәһбәри Аллаһшүкүр Пашазадә Ҝүрҹүстан һакимијјәтинин гәрарыны журналистләрә шәрһ едәркән һијләдән истифадә едәрәк дејиб: “Ҝүрҹүстан Мүсәлманлары Идарәсинин јарадылмасы илк нөвбәдә сијаси аддымдыр”.
“Туран”ын мәлуматына ҝөрә, Аллаһшүкүр Пашазадә 1996-ҹы илдә президент Едуард Шеварднадзенин хаһиши илә Ҝүрҹүстанда Гафгаз Мүсәлманлары Идарәсинин бөлмәсинин јарадылдығыны хатырладыб: “Бу бөлмәјә Ҝүрҹүстан вәтәндашы Әли Әлијев рәһбәрлик едиб. Инди јарадылан Ҝүрҹүстан Мүсәлманлары Идарәсинин рәһбәри исә аҹар Ҹамал Багшадзедир вә һазырда Ҝүрҹүстанда Гафгаз Мүсәлманлары Идарәсинин нүмајәндәсинин ролунун нәдән ибарәт олмасы мәлум дејил. Ҝүрҹүстанда григорианлар вә католикләр јашајыр, лакин онлар јерли һакимијјәтин нәзарәтиндән кәнардадыр. Мүсәлманлар үчүн бу истиснанын сәбәби нәдир?”
Аллаһшүкүр Пашазадә рәсми Тбилисинин гәрарыны дүзҝүн сајмадығыны вә проблемин арадан галдырылмасы үчүн Ҝүрҹүстан һакимијјәтинә мүраҹиәт едәҹәјини вурғулајыб. О тәәссүфлә билдириб ки, Ҝүрҹүстандакы азәрбајҹанлы мәмурларын бир һиссәси гәрары дәстәкләјиб ки, бу да онларын үзәринә мәсулијјәт гојур.
Диггәт: Хәбәрдән истифадә етдикдә мәнбәјә истинад лазымдыр
