Әһли Бејт -АБНА- хәбәр аҝентлијинин вердији хәбәрә әсасән: Ики ҝүн әввәл парламентдә депутат Гүдрәт Һәсәнгулијев АРДНШ президенти Рөвнәг Абдуллајеви сәрт тәнгид етди. Онун чыхышы һамынын јадында белә галды ки, Р.Абдуллајев һансыса ширкәтин сүрүҹүлүјүндән нефт ширкәтинә президент ҝәтирилмиш адамдыр. Бу мүнагишәнин маһијјәти барәдә бүтүн сијаси експертләр ваһид гәрар вердиләр: бу, Кәмаләддин Һејдәровла Рөвнәг Абдуллајевин арасындакы мүнагишәнин тәзаһүрүдүр.
Бәс, бу ики олигарх нәјә ҝөрә мүһарибә апарыр? Онларын зиддијјәтләрини дәринләшдирән һансыса үмуммилли мәнафе деталларына фәргли бахышлардырмы? Тәәссүф ки, јох вә өлкә иҹтимаијјәти бу ики олигархын, садәҹә, газанҹ уғрунда мүһарибәсини сејр едир.
Рөвнәг Абдуллајевлә Һејдәров арасында конфликтин бир сәбәби чохларына ајдындыр. АРДНШ јени тикилән чохмәртәбәли биналара газ чәкилмәсини истәјир, Һејдәров исә Фөвгәладә Һаллар назири олараг өз сәлаһијјәтләрини ишә салараг һәмин биналары гәбул етмир. Бурада долајысы илә иҹтимаи мотив вар.
Мүһарибәнин икинҹи сәбәби АРДНШ-нин тикдирдији диагностика мәркәзләри илә бағлыдыр. Кәмаләддин Һејдәров бу мәркәзләрә баш һәким олараг өз кадрларыны јерләшдирмәк истәјиб, амма Рөвнәг Абдуллајев онун бир-ики кадрла бағлы хаһишини гәбул едиб, амма сонракы хаһишләрини “сејфә” туллајыб.
Мүһарибәнин үчүнҹү сәбәби: Рөвнәг Абдуллајев Нефт Ширкәтинә президент тәјин олунандан вә јерини әһәмијјәтли шәкилдә бәркидәндән сонра Кәмаләддин Һејдәровун фирмаларыны јанаҹаг дашынмасы лајиһәләриндән тамамилә кәнарлашдырыб.
Мүһарибәнин дөрдүнҹү сәбәби (төрәмә сәбәб): Кәмаләддин Һејдәров Илһам Әлијеви инандырмаға ҹәһд едиб вә гисмән буна наил ола билиб ки, Нефт Ширкәтинин Мүһафизә Ыдарәсинин рәиси вәзифәсинә сабиг Милли Тәһлүкәсизлик назири Намиг Аббасовун ән јахын адамыны тәјин едиб.
Бу олигархлар арасында гызышан мүһарибәнин тәгдим едилән һәр бир деталы он милјонларла манат ҝәлир демәкдир вә тәрәфләри һөвсәләдән чыхаран да будур (Мүһарибә зәрури ҝерчәклијә чевриләндән сонра онун башга, һәләлик бизә вә иҹтимаијјәтә бәлли олмајан деталлары да мејдана чыха биләр).
Диггәт: Хәбәрдән истифадә етдикдә мәнбәјә истинад лазымдыр
