Әһли Бејт -АБНА- хәбәр аҝентлијинин вердији хәбәрә әсасән: Ҝөјчај рајонунда саһибкарлыг фәалијјәти илә мәшғул олан шәхс өзүнү өлдүрүб.
Рајон Полис Шөбәсиндән верилән мәлумата ҝөрә, Ҝөјчај шәһәри Әли Кәрим күчәси, 27 сајлы мәнзилдә јашајан, 1969-ҹу ил тәвәллүдлү Һәсәнов Әли Нурәддин оғлу өтән ҝүн саат 15.00 радәләриндә гәбиристанлыгда, атасынын мәзарынын јанында 0.5 литр сиркә туршусу ичәрәк интиһар едиб. Бу һадисәдән ҝеҹ хәбәр тутан јахынлары ону Ҝөјчај Мәркәзи Рајон Хәстәханасынын реанимасија шөбәсинә чатдырыблар. Вәзијјәти даһа да ағырлашдығы үчүн илкин тибби јардымдан сонра Ә. Һәсәнов Республика Токсиколожи Мәркәзинә апарылыб. Әли Һәсәнов мајын 3-дә ҝеҹә саат 03:00 радәләриндә дүнјасыны дәјишиб.
Ҝөјчај шәһәриндә автомобилләрин еһтијат һиссәләринин сатыш мағазасынын саһиби олан Ә. Һәсәновун өзүнә гәсд етмәсинин сәбәби һәләлик мәлум дејил.
Фактла бағлы Рајон Прокурорлуғу тәрәфиндән арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
