Әһли Бејт -АБНА- хәбәр аҝентлијинин вердији хәбәрә әсасән: Бу барәдә Ислам-Азери.аз Интернет Гәзетинә мүәллимәнин өзү мәлумат вериб. Онун сөзләринә ҝөрә, Һөвсан гәсәбәсиндә јерләшән М.Бајрамов адына 196 нөмрәли мәктәбин директору Ағасы Һүсејнов "ишләмәк истәјирсинизсә һиҹабынызы ачын" дејәрәк ону ганунсуз олараг ишдән азад едиб.
Мәктәбдә мүәллимә ишләјән, лакин аналыг мәзунијјәтиндә олан даһа бир һиҹаблы мүәллимәјә исә индидән хәбәрдарлыг едилиб ки, "Әризән һазырдыр, һиҹабла ҝәлсән ишдән чыхарылаҹагсан. Ишләмәк истәјирсәнсә һиҹабыны ачыб ҝәләрсән!"
Һүгуглары тапданмыш мүәллимә Республика Прокрорлуғана, "Һејдәр Әлијев Фонду"нун президенти Меһрибан Әлијеваја, һәмчинин Тәһсил Назирлијинә бу барәдә мүраҹиәт едиб. Јалныз Тәһсил Назирлијиндән ҹаваб ҝәлиб. Ајҝүн ханымы назирлијә чағырыблар. Мүәллимә назирлијә ҝетдикдә исә директор Ағасы Һүсејнову орада ҝөрүб. Тәһсил назирлијинин мәсул ишчиси Ағасы мүәллимлә бирликдә белә бәһанә ҝәтирибләр ки, ҝуја Ајҝүн ханым һансыса мүәллимин јеринә мүвәггәти олараг 3 иллик ишә ҝөтүрүлүбмүш.
Гејд едәк ки, бу һадисә адычәкилән мәктәбдәки илк өзбашналыг дејил. Бундан габаг да мүхтәлиф бәһанәләрлә һиҹаблы ханымын ишдән чыхарылма һадисәси баш вермишди.
Диггәт: Хәбәрдән истифадә етдикдә мәнбәјә истинад лазымдыр
