Әһли Бејт -АБНА- хәбәр аҝентлијинин вердији хәбәрә әсасән: Апрелин 21 ҹүмә ахшамы ҝүнү Азәрбајҹан Ислам Партијасынын сабиг сәдри Шәһид Һаҹы Әликрам Әлијевин 40 мәрасими кечирилди.
Мәрасимдә хејли сајда инсан күтләси иштирак етмишдир. Издиһамла кечән мәҹлисдә дини алимләр, розаханлар вә иҹтимаијјәтин диҝәр савадлы тәбәгәләриндән олан шәхсијјәтләр дә мәрһум шәһидин аиләсинә баш сағлығы вермәкдән өтрү ҝәлмишләр. Мәрасимдә Өлкәднин хариҹиндән ҝәлән дини алим вә сијаси иш адамлары да иштирак едирдиләр. О, ҹүмләдән Дүнја Әһли Бејт (әлејһимус сәлам) ассамблејасынын сәдри Һөҹҹәтүл Ислам вәл-Мүслимин ҹәнаб Әхтәри, Иран Ислам Республикасы вә Азәрбајҹан ҹүмһуријјәтинин достлуг тәшкилатинин сәдри вә Әрдәбилин милләт вәкили Сејјид Казым Мусәви, Дүнја Әһли Бејт (әлејһимус сәлам) ассамблејасынын Авропа вә Америка гисмәтинин мүдири Рашиди, Дүнја Әһли Бејт (әлејһимус сәлам) ассамблејасынын Азәрбајҹан Республикасы үзрә нүмајәндәси Оҹаг Нежад иштирак етмишләр.
Мәрасимдә Дүнја Әһли Бејт (әлејһимус сәлам) ассамблејасы тәрәфиндән нүмајәдә үнванында Оҹаг Ниҹат аға Шәһид Һаҹы Әликрамын Ислам дининә етдији хидмәтләрдән, һәлә коминист дөвранында антиисламчылыгла апардығы мүбаризәләрдән јад едәрәк ону Әһли Бејт (әлејһимус сәлам) мәктәбинин чағырышчысы адландырмышдыр.
Гејд едәк ки, Дүнја Әһли Бејт (әлејһимус сәлам) ассамблејасынын сәдри Һөҹҹәтүл Ислам вәл-Мүслимин ҹәнаб Әхтәри Азәрбајҹан Ҹүмһуријјәтиндән гајытдыгдан сонра Иран Ислам Республикасында Експертләр Мәҹлисинин нүмајәндәләри Ајәтуллаһ Сејјид Ибраһим, Сејјид Һатәми вә Әрдәбилин Имам Ҹүмәси, Дүнја Мүсәлманларынын Вәлијји Әмри Имам Хамнеји ҹәнабларынын Әрдбил үзрә Нүмајәндәси, Експертләр Мәҹлисинин үзвү Ајәтуллаһ Сејјид Һәсән Амили ҹәнаблары илә ҝөрүш кечиртмиш вә бөлҝәдә Ислам Үмәтинин ојанышы һагда, еләҹәдә Дүнја Әһли Бејт (әлејһимус сәлам) ассамблејасынын ҝөрдүкләри ишләр барәсиндә сөһбәт ачмышдыр.
Фото ислам-азери сајтына мәхсусдур
Диггәт: Хәбәрдән истифадә етдикдә мәнбәјә истинад лазымдыр
