Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын сәрбәст топланма маддәсинә әсасән Азәрбајҹанын 97% мүсәлманларынын истәини һәјата кечиртмәкдән өтрү митинглә әлагәдар Бакы меринә мүраҹиәт етдијинин нөвбәти дәфәдә ганунсузлуға мәруз галмасы илә вә бу ганунсузлуғу бүтүн Азәрбајҹан халгына аид олдуғуну өнә чәкән ҺҺГМ Мүдафиә Комитәси бәјанат вериб.
Аллаһын ады илә!
“Һәр һансы бир халг өз талејини дәјишмәдикҹә, Аллаһ да онун төврүнү дәјишмәз.” (Рәд.11)
Өлкәмиздә һакимијјәти тәмсил едән мәмурлар бүтүн бејнәлхалг вә конститусија ганунларыны позараг мүхтәлиф бәһанәләрлә Азәрбајҹан Ислам Партијасынын мүсәлман халгымыз адындан икинҹи дәфә митинг кечирмәк үчүн мүраҹиәтинә мүсбәт ҹаваб вермәмишдир. Бу сәрбәст топланмаг һүгугунун ачыг-ашкар позулмасыдыр. АИП торпагларымызын ишғалына сон гојулмасыны, өлкәдә дөвләт мәмурлары тәрәфиндән Гуранын бујурдуғу олан ваҹиб гадағасынын ләғвини, бу јолда әгидәсинин мүдафәисинә галхмыш шүҹаәтли алим вә инанҹлы гардашларымызын шәрләнәрәк зиндарлара атылмасына сон гојулмасыны вә онларын дәрһал азадлыға чыхмасыны, һәмчинин, мүсәлман халгымызын игтисади вәзијјәтинин јахшылашдырылмасы вә коррупсијаја гаршы һәгиги мүбаризә апарылмасыны тәләб едир. Бу тәләбләрин ифадәси үчүн Бакы Шәһәр Иҹра Һакимијјәтинә рәсми мүраҹиәт етмиш вә һәр дәфә дөвләт мәмурлары мүсәлман халгын сәбриндән вә гануна еһтирам гојмасындан суи-истифадә едәрәк мәнфи ҹаваб вермишдир.
Һиҹаб вә Һиҹаб Гадағасы Мәһбусларыны Мүдафиә Комитәси Азәрбајҹанда дөвләт мәмурлары тәрыфиндән баш верән бу ганун позунтулары, мәмур өзбашналыгларыны писләјир. Комитә һакимијјәтин мүнасибәтини һәм дахилдә, һәм дә бејнәлхалг аләмдә инсан һаглары мүстәвисиндә мөвҹуд ганунларын, үзв олдуғу һалда Авропа Шурасы Низамнамәсинин, Ислам Конфрансы Тәшкилатнын низамнамәсинин позулмаси кими гијмәтләндирир вә мүсәлман халгын сәрбәст топланмаг истәјинә рәдд ҹавабы верилмәсини һакимијјәт органларынын халга еһтирамсызлығы кими дәјәрләндирир. Бу рәфтары илә дөвләт мәмурлары әслиндә бир нечә саһәдә ҹидди шәкилдә иҹтимаи вә сијаси сәһвә јол вермиш, һакимијјәти чох чәтин вәзијјәтдә, мүсәлман халгла үзбәүз гојмушлар:
1.Мүсәлман халгын гануна еһтирам етмәклә сәрбәст митинг кечирмәклә сөзүнү демәсинә иҹазә вермәмәк о мәнададыр ки, һакимијјәтдә мүсәлман халгын сәсинә вә онун ирадәсинә әһәмијјәт верилмир, јәни һакимијјәт халгы тәмсил етмир;
2.Мүсәлман халгын мүгәддәс Гуранына зидд олараг, баш өртүјүнүн тәһсил мәркәзләриндә дөвләт мәмурлары тәрәфиндән зорла ачылмасы, мүсәлманларын бу зоракы гануна етиразына имкан верилмәмәси, һакмијјәтин халгын мүгәддәс билдији ганун вә етигадлара етина олунмамасы һаким даирәләрин мәнәвијјат саһәсиндә мүсәлман халгдан нә гәдәр узаг олдуғуну ҝөстәрир;
3.Бакы Шәһәр Иҹра Һакимијјәти бу рәфтары илә һаким даирәләрин, илк нөвбәдә мүсәлман халгын јанында, сонра бүтүн мәнтәгәдә олан мүсәлман өлкәләриндә вә бејнәлхалг һүгуг мәркәзләриндә нүфузуна нә гәдәр зәрбә вурдуғуну тәсәввүр етмир. Бүтүн дүнјаја вә өлкәмиздә халга билдирилир ки, өлкәдә тоталитар режим һөкм сүрүр вә бу мүсәлман халгын сәсинин нә өлкә дахилиндә, нә дә бејнәлхалг аләмдә ешидилмәсинә имкан верилмәјәҹәк;
4.Бакы Шәһәр Иҹра Һакимијјәти бу рәфтары илә торпагларынын 20% ишғал алтында олан мүсәлман халга һакмијјәтин бу месажыны чатдырды ки, бу һакимијјәт 20 ил кечмәсинә бахмајараг, мүсәлман халгын “Гарабаға азадлыг! Ишғала сон! Тәҹавүзә сон!” – кими шүарларына имкан вермәјәҹәк;
5.Нәһајәт, Бакы Шәһәр Иҹра Һакимијјәти бу рәфтары илә һакимијјәт адандан мүсәлман халга чатдырыр ки, өлкәдә ганун рол ојнамыр, әсас мәмур өзбашналығы вә онларын истәкләридир. Халгын гәзәбләнмәси, сөз азадлығы вә сәрбәст топлашмаг кими истәкләр әслиндә һакимјјәт үчүн ҝүлүнҹ ҝөрүнүр вә һакимијјәт мүсәлман халга зүлм вә әзаб вермәкдән һәзз алыр;
Сонда һакмијјәтин нәзәринә чатдырырыг ки, бундан сонракы бүтүн мәсулијјәт вә һадисәләр һакмијјәтин вә онларын мәмурларынын өһдәсинә дүшүр. Мүсәлман халг өз етигадынын, мүгәддәс Гуранынын, бу јолда шәрләнәрәк һәбс олунмуш гардашларымызын мүдафиәсинә галхаҹаг вә нәһајәт, ишғал олунмуш торпагларын азад олунмасыны бүтүн һүгуги јоллар васитәси илә тәләб едәҹәк.
Амма тарих бу мүсәлман халга хәјанәт едән вә онун милли-мәнәви сәрвәтләринә зәрбә вуруб, торпагларынын ишғалына шәраит јараданлары һеч вахт бағышламајаҹаг вә онлары ләнәтләјәҹәкдир!
Диггәт: Хәбәрдән истифадә етдикдә мәнбәјә истинад лазымдыр
