Әһли Бејт -АБНА- хәбәр аҝентлијинин вердији хәбәрә әсасән: Гафгаз Мүсәлманлары Идарәсинин сәдри Шејхүлислам Аллаһшүкүр Пашазадә бу ҝүн Сәудијјә Әрәбистанына јола дүшүр. ГМИ-нин мәтбуат хидмәтинин рәһбәри Рәһимә Дадашованын АНС ПРЕСС-ә вердији мәлумата ҝөрә, сәфәр апрелин 23-дәк давам едәҹәк.
Сәфәр заманы А.Пашазадәнин башчылыг етдији нүмајәндә һејәти Азәрбајҹанын Һәҹҹ Миссијасы олараг Сәудијјә Әрәбистаны Краллығынын Һәҹҹ Назирлији илә нөвбәти Һәҹҹ мөвсүмү илә бағлы данышыглар апараҹаг. Краллығын Мәккә, Ҹиддә вә Мәдинә шәһәрләриндә јерләшән мүвафиг гурумлары илә ҝөрүшләр заманы Азәрбајҹанлы зәвварларын Һәҹҹ зијарәти илә бағлы бүтүн мәсәләләр мүзакирә олунаҹаг.
Мүзакирәләрин нәтиҹәси олараг ГМИ илә Сәудијјә Әрәбистанынын Һәҹҹ Назирлији арасында мүвафиг протокол вә мүгавиләләр имзаланаҹаг.
Диггәт: Хәбәрдән истифадә етдикдә мәнбәјә истинад лазымдыр
