Әһли Бејт -АБНА- хәбәр аҝентлијинин вердији хәбәрә әсасән: Акиф Һејдәрлинин сөзләринә ҝөрә, бу ҝүн верилән ҹаваб мәктубунда пајтахт меријасы партијанын Азадлыг мејданында митинг кечирмәк истәјини гәбул етмәјиб. Мәктубда билдирилиб ки, Азадлыг мејданы дөвләт тәдбирләри үчүн нәзәрдә тутулдуғундан күтләви етираз аксијаларынын бурада кечирилмәси мүмкүн дејил. Ҹаваб мәктубунда митинг үчүн алтернатив јер исә ҝөстәрилмәјиб.
Гејд едәк ки, мартын 29-да Азәрбајҹан Ислам Партијасы (АИП) апрелин 8-дә пајтахтын Азадлыг мејданында вә ја Парламент бинасынын гаршысында митинг кечирмәклә бағлы Бакы шәһәр Иҹра Һакимијјәтинә мүраҹиәт етмишди.
Хатырладаг ки, митингин кечирилимәсиндә әсас мәгсәд аксијада Гарабағын ишғалдан азад едилмәси, һиҹаба гадағанын ләғви вә виҹдан мәһбусларынын азадлыға бурахылмасы иди.
Диггәт: Хәбәрдән истифадә етдикдә мәнбәјә истинад лазымдыр
