Әһли Бејт -АБНА- хәбәр аҝентлијинин вердији хәбәрә әсасән: Вәкилин сөзләринә ҝөрә, Мөвсүм Сәмәдов истинтагын апарылмасындан, онун гәзетләрлә тәмин едилмәмәсиндән, она гаршы нәзарәтин ҝүҹлү олмасындан вә ирәли сүрүлән иттиһамдан наразыдыр. "Мөвсүм Сәмәдов барәсиндә сечилән 3 ајлыг һәбс гәти-имкан тәдбири апрел ајынын 20-и сона чатыр. Амма инанмырам бу мүддәт әрзиндә истинтаг битсин. Јәгин ки, һәбс гәти-имкан тәдбиринин мүддәти артырылаҹаг. Мөвсүм Сәмәдовун иши һазырда чох мүәммалы вәзијјәтдәдир. Онун һаггында чыхарылаҹаг һөкмүн нә ҹүр олаҹағы бизим үчүндә мараглыдыр"-дејә һәбсдә олан АИП сәдринин вәкили әлавә едиб. Анар Гасымов һәмчинин гејд едиб ки, М. Сәмәдовун сәһһәтиндә проблем јохдур.
Гејд едәк ки, Нәсими рајон Мәһкәмәсинин һөкмү илә М. Сәмәдов барәсиндә 3 ајлыг һәбс-гәтимкан тәдбири сечилиб. М. Сәмәдов Азәрбајҹан Ҹинајәт Мәҹәлләсинин 28, 214.2.1-ҹи (габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг), 28, 214.2.3-ҹү (одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг), 228.3-ҹү (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә), 278-ҹи (һакимијјәти зорла әлә кечирмә вә ја ону зорла сахлама) маддәләр үзрә иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
