Әһли Бејт -АБНА- хәбәр аҝентлијинин вердији хәбәрә әсасән: Ливијадан диҝәр мәлумата ҝөрә, һөкумәт танклары вә артиллерија Мисурат шәһәриндә үсјанчыларын мөвгеләрини атәшә тутуб.
Ливијада февралын орталарындан халг һәрәкаты ҝедир. Әсас тәләб 1969-ҹу илдән һакимијјәт башында олан Мүәммәр Гәззафинин истефасыдыр. Тоггушмаларда минләрлә адам һәлак олуб.
Мартын 17-дә БМТ Тәһлүкәсизлик Шурасы Ливијаја даир гәтнамә гәбул едиб. Гәтнамә Ливија авиасијасынын бүтүн истигамәтләрдә учушуну јасаглајыр, Гәззафи режимини вә онун әлејһдарларыны атәши дајандырмаға вә силаһы јерә гојмаға чағырыр.
Мартын 19-дан АБШ, Бөјүк Британија, Франса вә башга өлкәләрин һәрби гүввәләрини бирләшдирән коалисија Ливија режиминә гаршы авиасија вә артиллерија зәрбәләри ендирир.
Диггәт: Хәбәрдән истифадә етдикдә мәнбәјә истинад лазымдыр.
