Әһли Бејт -АБНА- хәбәр аҝентлијинин вердији хәбәрә әсасән:Азәрбајҹан Ислам Партијасы (АИП) өлкәдә һөкм сүрән Исламофобијаја етираз әламәти олараг кечириләҹәк аксијалары Новруз бајрамындан сонра тәшкил етмәји планлашдырыр. Бајрам әрәфәсиндә һакимијјәтә диндарларын тәләбләрини јеринә јетирмәк үчүн вахт верән АИП, бу баш вермәјәҹәји тәгдирдә иҹазәли митингләр кечирәҹәјини ачыглајыб. Мөвзу илә бағлы Азәрбајҹан Ислам Партијасы (АИП) сәдринин сәлаһијјәтләрини һәјата кечирән Елчин Манафовдан мүнасибәт өјрәндик вә митинглә бағлы фикирләрини бөлүшдүк. “Үмид едирик ки, әсассыз иттиһамларла наһагдан һәбс олунан Мөвсүм Сәмәдов вә партијанын рәһбәрлијиндә тәмсил олунан диҝәр шәхсләр, тәәссүбкешләримиз, үмумијјәтлә мөмин гардашларымыз Новруз бајрамына гәдәр азадлыға бурахылаҹаг, бајрамы бизимлә бирҝә кечирәҹәкләр. Митингин нә вахт кечирилмәси барәдә бизә чохсајлы мүраҹиәтләр едилир, суаллар үнванланыр. Белә мүраҹиәтләр инсанларын аксија кечирмәкдә исрарлы олдуғуну ҝөстәрир. Биз дә тәбии ки, халгын тәләбини јеринә јетирмәјә, онунла бирҝә олмаға борҹлујуг вә буну едәҹәјик”-дејә Елчин Манфов билдириб.
Гејд едәк ки, Гарабағ проблеминин һәлли, әрази бүтөвлүјүмүзүн бәрпасы истигамәтиндә мүбаризәни дә һәбсдә оланларла бирҝә апармаг истәдикләрини дејән Е.Марафов, ејни заманда Исламофобијанын әламәтләриндән бири олан һиҹаба гадағанын тезликлә арадан галдырылмасына да үмид етдикләрини билдириб: «Она ҝөрә дә бајрама гәдәр сәбр етмәји гәрара алмышыг ки, бәлкә аксијаја еһтијаҹ галмады. Амма бу о демәк дејил ки, аксија кечирмәкдән имтина етмишик. Әсла. Биз ејни заманда митингә һазырлыг ишләрини дә давам етдиририк. Әҝәр мүсбәт нәтиҹә олмаса, бајрамдан сонра митинг кечирмәк үчүн Бакы шәһәр Иҹра Һакимијјәтинә мүраҹиәт үнванлајаҹағыг».
АИП сәдри Елчин Манфовун сөзләринә ҝөрә, әҝәр мерија мүсбәт ҹаваб вермәсә, онда исламчылар бу ганун позунтусуна ҝөрә башга инстансијалара мүраҹиәт едәҹәкләр: «Анҹаг биз истәмәздик ки, буна вә еләҹә дә диҝәр васитәләрә, о ҹүмләдән иҹазәсиз аксијалара әл атмаға мәҹбур олаг. Һәрчәнд сәрбәст топлашмаг азадлығы һагда гануну позараг бизи буна вадар едирләр. Онсуз да Исламчыларын итирә биләҹәји һеч нә јохдур. Биз һеч нәдән чәкинмәдән Аллаһ јолунда, вәтән, халг јолунда, мәнәви-әхлаги дәјәрләримизин горунмасы, намус, гејрәт уғрунда шәһид олмаға һазырыг. Исламчылар бу дәјәрләр үчүн сон дамла ганларына кими мүбаризә апармаг әзминдәдирләр. Чүнки ортада милләт-гејрәт, һиҹаб-намус мәсәләси вар ки, ондан кечмәк мүмкүн дејил. Мөмин гардашларымыз да елә буна ҝөрә һәбс олунублар. Митингдә 10 мин инсанын иштиракы олаҹаг. Һеч ким буна шәкк етмәсин. Һәр һалда бизә бу рәгәмдән дә чох мүраҹиәт едәнләр олуб. Ола билсин ки, рәгәм бир аз да чох олсун”.
Диггәт: Хәбәрдән истифадә етдикдә мәнбәјә истинад лазымдыр
