Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда “коррупсија илә мүбаризә” дахили чәкишмәләр үчүн истифадә олунаҹаг.
Нөвбәдә Һаҹыбала Абуталыбов, Кәрәм Һәсәнов, Етибар Пирвердијев...
Ингилаб горхусу һакимијјәти ҝөзләнилмәз аддымлар атмаға мәҹбур едир. Һакимијјәтә јахын медиа чеврәсиндә долашан фикирләрә ҝөрә, Рамиз Меһдијев артыг бир нечә иҹра башчысынын вә бәзи ири чинли вәзифә саһибләринин вәзифәдән чыхарылмасыны тәклиф едиб.
Президент Администрасијасынын рәһбәри һесаб едир ки, коррупсија илә мүбаризәнин халгда мүсбәт рәј јаратмасы вә ҹидди гәбул едилмәси үчүн бәзи кадрларын вурулмасы ваҹибдир.
Хәбәрләрә ҝөрә, Илһам Әлијевә артыг тәклиф верилиб. Плана ҝөрә, Һаҹыбала Абуталыбов тәнтәнә илә тәгаүдә јола салынаҹаг, ону ишҝүзар вә тәмиз образы олан бир нәфәр әвәз едәҹәк. Рамиз Меһдијевин нөвбәти гурбаны аз мүддәтдә иш адамларынын бөјүк гәзәбини газанан, күлли мигдарда сәрвәт вә мүлк саһиби олмасы илә диггәт чәкән Кәрәм Һәсәновдур. Кәрәм Һәсәновун зәиф бәнд сајылмасынын бир сәбәби дә одур ки, о, Меһдијевин севимлиси дејил, үстәлик, онун мүхалифәтә гошулмасы мүмкүн сајылмыр. Дејиләнә ҝөрә, онун һакимијјәтдән ҝизлин сахладығы мүлкләринин сијаһысы тутулуб вә бу сијаһы онунла һагг-һесаб чүрүтмәк үчүн истифадә едиләҹәк.
Етибар Пирвердијев исә бајраг биабырчылығына ҝөрә ҹәзаландырылаҹаг. Она ҝөстәрилән јүксәк етимад һакимијјәтә баһа баша ҝәлиб. Дүнјанын ән бөјүк бајрағы илә игтидарын газанмаг истәдији дивидендләр нәинки боша чыхыб, әксинә, бу, бөјүк биабырчылыға ҝәтириб. Ҝүнаһ исә јанлыш сијасәт вә нијјәтдә дејил, бу лајиһәјә ҹавабдеһ олан Етибар Пирвердијевдә ахтарылыр...
Диггәт: Хәбәрдән истифадә етдикдә мәнбәјә истинад лазымдыр
