Әһли Бејт -АБНА- хәбәр аҝентлијинин вердији хәбәрә әсасән: Фәләстин Идарәси вахты чохдан кечмиш президент вә парламент сечкиләринин кечирилмәси һагда планларыны ачыглајыб. Фәләстин президенти Маһмуд Аббасын јардымчысы Јасир Раббо Фәләстин идарәсинин иҹрачы комитәсинин Рамаллаһда кечириләын иҹласындан сонра ачыглама вериб. О, сәсвермәнин дәгиг тарихини ҝөстәрмәјиб. Бәјанатда фәләстинли фраксијаларын араларындакы фикир ајрылыгларыны бир кәнара гојмасына вә ән ҝеҹи сентјабрда сечкиләрин кечирилмәсинә чағырылыр.
Гәззаны идарә едән Һәмас лидерләри сәсвермәјә чағырышы рәдд едибләр. Бу тәшкилатын нүмајәндәси Фәвзи Барһум Исламчы групун леҝитим олмадығына ҝөрә сечкиләрдә иштирак етмәјәҹәјини билдириб. Һәмас дејиб ки, ики һөкумәт арасында барышыг олмајынҹа сәсвермә кечирилә билмәз.
Бу арада Ишғалчы Исраиллә данышыглар апаран фәләстинли нүмајәндә Саеб Ерекат вәзифәсиндән истефа вериб. Ерекатын истефасына сәбәб өтән ај сыздырылмыш сәнәдләрлә бағлыдыр. Әл-Ҹәзирә телеканалынын ачыгладығы сәнәдләрә әсасән Ерекат Исраилә әлавә ҝүзәштләрә ҝетмәкдә иттиһам олунур. Буда јәни Фәләстинлиләрә ХӘЈАНӘТ демәкдир.
Диггәт: Хәбәрдән истифадә етдикдә мәбәјә истинад лазымдыр
