Әһли Бејт -АБНА- хәбәр аҝентлијинин вердији хәбәрә әсасән: Архијереј Килсәсинин информасија хидмәти ачыгладығы мәлуматда билдирилир ки, Москва вә Бүтүн Русијанын Патриархы Кирилл Архијереј Мәҹлисиндә дејиб: “Азәрбајҹанда динлә дөвләт арасында мүнасибәтләрин уғурлу модели мөвҹуддур”
О билдириб ки, мөвҹуд ганунвериҹилик хариҹи тәшкилатларын јерли дини иҹмалара тәсирини мәһдудлашдырыр, гејри-әнәнәви вә радикал јолларла миссионер фәалијјәт һәјата кечирмәји чәтинләшдирир: “Азәрбајҹанын православ иҹмасы өзүнү раһат һисс едир, тәзјигләрә мәруз галмыр. Азәрбајҹанда јени килсәләр ачылыр, онларын иншасынын малијјәләшдирилмәсиндә мүсәлманлар актив иштирак едир. Рус Православ Килсәсинин Азәрбајҹан мүсәлманларынын башчысы Шејхүлислам Аллаһшүкүр Пашазадә илә исти мүнасибәтләр гуруб. Шејхүлислам Православ Килсә тәрәфиндән јүксәк орденләрлә тәлтиф олунуб. Гејд еләмәк лазымдыр ки, о 2004-ҹү илдән МДБ Динләрарасы Шурасынын фәхри һәмсәдридир, 2009-ҹу илдән исә постсовет мәканында апарыҹы мүсәлман тәшкилатларынын өзүндә бирләшдирән МДБ Мүсәлманлары Мәсләһәтләшмә Шурасына рәһбәрлик едир”.
Хатырладаг ки, Русија Патриархынын дедикләри вә бу ифадәләриндән доғурдуғу хош дујғулары елә бир вахта тәсадүф едир ки, Азәрбајҹанда дөвләт сәвијјәсиндә ислам дининә гаршы амансыз һүҹумлар ҝүҹләнмәкдә вә диндарлар мүхтәлиф бәһанәләрлә шәрләнәрәк тутулуб зинданлара салынмагда, һиҹаблылары һәгиги вә һүгуги һагларындан мәһрум едилмәкдә, мәсҹидләр сөкүлүб бағланмагда давам едир. Амма әвәзиндә Килсә вә Синагогларын ҝүнү ҝүндән сајы артараг ҝөбәләк кими һәр јердә әмәлә ҝәлмәкдәдир. Ҹәнаб Пашазадәниндә мәһз Православ Килсә тәрәфиндән јүксәк орденләрлә тәлтиф олунмасы бир даһа онун христианлара хтмәткар олмасыны ачыг ашкар ҝөстәрир.
Диггәт: Хәбәрдән истифадә етдикдә мәнбәјә истинад лазымдыр
